煙包 的政治: 煙包 設計夠悶就可以攞到平衡

政府好學唔學,歐洲好嘢唔學,學埋啲衰嘢。要求 煙包 百分之八十五面積,都係印上警告圖樣,剩番百分之十五 煙包 面積,係用嚟印商品資料,話希望啲人戒煙。

我唔知呢個建議有乜科學根據,但呢班友完全唔記得一樣嘢,就係 煙包 嘅作用,唔係只係吸引人買煙,仲有防止偽冒嘅功能,如果所有 煙包 都係幾乎係一式一樣嘅警告設計果陣,剩番百分之十五嘅面積,可以提供乜嘢防偽功能?結果就係一街都係假煙,除非香港政府好想由契丹犯罪分子製造嘅假煙橫行,否則呢個建議,簡直係黐線。特別喺狂加煙稅之後,假煙商人賺得更多,就更容易有人想玩假煙。

其實煙民唔駛嚇, 煙包 俾人一種沉悶嘅感覺就得。其實煙包唔駛果啲核突當有趣嘅警告圖樣,只係好似治療化療藥物咁,用最沉悶嘅白底黑字包裝,寫明商品名,同埋基本上嘅各式警告字句:例如焦油可能副作用為物物物,尼古丁可能副作用為乜乜乜。跟住俾番煙商喺 煙包 有空間加防偽,一如藥物一樣,咁就好夠。

你話要嚇人,不如話 煙包 設計到似藥咁嚇人,諗起日後可能生cancer果陣,對住啲化療藥、標靶藥之類。而唔係一啲誇張當恐嚇,浪費成本同時間嘅 煙包 。更何況,如今煙稅已經高成咁,食煙基本上已經係用者自負,咁啲人要食死佢,無理由政府硬要阻止,政府並無責任做市民嘅父母。








捐款:
Citibank Hong Kong: 14830515
恆生銀行:395-158777-882
Bitcoin:1PTHjBPuciq5JS8MBo9cUVVr7orSaU1AuV
Paypal: https://paypal.me/martinoei

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!





發表迴響

你的電子郵件位址並不會被公開。 必要欄位標記為 *