葉劉淑儀

公民力量變政界燈神: 由劉江華到 葉劉淑儀

葉劉淑儀 嘅吂Win口號設計,俾全城恥笑,仲要啲人諗返起,令劉江華輸到被恥笑嘅「香港要贏」,因為啲人自動接埋下句「劉江華就要輸」,弱智程度同馬來西亞馬華公會打出「要改變」口號,被民主行動黨隔離插個「投火箭」一樣咁膠。

只不過,大家分析一下 葉劉淑儀 同劉江華嘅共同點果陣,只要你發現到兩者都曾經領導過「公民力量」呢個地區樁腳組織,就明點解兩條膠人,點解啲膠法係一模一樣。

劉江華搞「香港要贏」呢舊膠果陣,劉江華仲係控制緊公民力量,呢個實際上由香港民主同盟沙田支部衍生出嚟,後嚟投咗共嘅軍閥組織。當時超級區議會議席,劉江華係主攻新界地區,而新界劉江華要贏,就要靠劉江華自己嘅樁腳系統,咁梗係公民力量。而好明顯,「香港要贏」就係公民力量班友嘅「傑作」,結果大家估到。

大家都知道, 葉劉淑儀 係無自己嘅樁腳,佢啲樁腳只有港島少量區議員,仲要有啲起完機就會離佢而去,好似陳岳鵬咁。所以喺統監府安排下,喺立法會無議席嘅公民力量同新民黨結盟, 葉劉淑儀 做咗公民力量會長,咁好明顯, 葉劉淑儀 會俾公民力量班友去籌劃特首選舉,結果咪衰同一樣嘢。

公民力量呢班友果然係政界燈神,或者佢地始終係民主派走出嚟,呢啲無間道行為,我真係識條鐵。








捐款:
Citibank Hong Kong: 14830515
恆生銀行:395-158777-882
Bitcoin:1PTHjBPuciq5JS8MBo9cUVVr7orSaU1AuV
Paypal: https://paypal.me/martinoei

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!





發表迴響

你的電子郵件位址並不會被公開。 必要欄位標記為 *