限奶令

由 限奶令 到禁止二房東轉售電力 :純屬常識

作為 限奶令 嘅發明人之一,睇到葉劉淑儀果堆只能用烏厘單刀嚟形容嘅政綱,好多時都好感嘆,點解喺英國管治年代個個都好似好英明神武嘅政務官,依家都不外如是,甚至好多好簡單嘅民生問題,都係由我呢啲人提點,由 限奶令 、小巴加座位、停車熄匙、甚至最近急症室問題,都係我要提點政府。更加唔好講同劏房呢樣嘢風馬牛不相及嘅林忌,提出嘅禁止二房東轉售電力牟利嘅建議。

其實英國人有留低好多政策工具,英國人任何政策,都有因應唔同情況,有唔同嘅法律工具擺定喺度。針對唔合理走私,咪進出口條例,甚至更辣嘅儲備商品條例,小巴座位或空間規管,咪跟歐盟同類車款規定,急症室被濫用,咪將科學上證明唔駛搵醫生嘅病,鼓勵公眾食成藥搞掂佢,停車熄匙,一定會因應天氣,或特定公共衛生、職業安全理由作出豁免。如果政務官係熟呢啲工具,點會搞出大量膠法。但 限奶令 要由我呢個研究英國政治嘅人去發明,反映出一個現實,就係好多檯面上嘅政治人物,根本唔熟悉英國人留低乜工具俾大家。

李光耀成功,因為佢好熟英國人各種政策喺本土應用果陣,反映嘅政治理念。好似NHS等福利,反映係工黨首相艾德禮伯爵(Clement Richard Attlee, 1st Earl Attlee)果種生老死葬無微不至照顧嘅概念,再加上極具效率同商業化運作,李光耀咪用足喺新加坡,所以你可以視新加坡喺人民行動黨治下係艾德禮式工黨執政(依家艾德禮主張已經變咗戴卓爾主義嘅基礎,所以艾德禮嘅孫已經係保守黨員,亦不足為怪)。而你班香港政務官,根本只係學英國人嘅皮毛,結果咪出事。

一切民生政治,純屬常識,問題香港政界無常識膠人當道,葉劉淑儀只係其中一件。








捐款:
Citibank Hong Kong: 14830515
恆生銀行:395-158777-882
Bitcoin:1PTHjBPuciq5JS8MBo9cUVVr7orSaU1AuV
Paypal: https://paypal.me/martinoei

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!





發表迴響

你的電子郵件位址並不會被公開。 必要欄位標記為 *