薩長同盟

泛民要學習 薩長同盟 嘅智慧

記得上屆特首選舉,我講 薩長同盟 嘅智慧得太遲,令梁振英呢個變態狂徒得以接掌政權。所以,我喺泛民已經攞到三百幾張選委飛,加上張翠容之流開始亂噏廿四果陣,我就要講 薩長同盟 嘅智慧。

締結 薩長同盟 之難

後人當然知道, 薩摩藩同長州藩嘅結盟,最終令德川幕府被推翻,而明治維新後嘅日本政治,亦長期維持由薩摩藩同長州藩後人掌控嘅格局,甚至依家某程度上都係。但當時 薩長同盟 係好難締結,因為薩摩藩曾經喺1864年同會津藩聯手將長州藩趕出京都,當時 薩摩同長州嘅關係,可以用泛民同依家獨派大部分人相比。但經過坂本龍馬嘅調解,長州同薩摩最終締結同盟,長州最終達成推翻德川幕府嘅目標,而薩摩藩亦成為明治政府嘅主導力量。

既然泛民為咗達成300+嘅目標,都可以同鄺葆賢、陳澤滔等獨派中人聯軍出手,點解唔繼續學 薩長同盟 嘅智慧,尋求同商界合作,將林鄭月娥同希師奶掃入歷史嘅垃圾桶?依家戰略目標只得一個,阻止林鄭月娥、希師奶,甚至更多變態佬上位,日後點推進公民提名,就日後再算。

發表迴響

你的電子郵件位址並不會被公開。 必要欄位標記為 *