Boris Johnson

Boris Johnson 講大實話:沙地同伊朗玩太多膠

雖然 Boris Johnson 俾人一種成日亂噏嘢嘅感覺,但 Boris Johnson 本身有深厚歷史底子,加上佢係有突厥血統,佢曾祖父喺鄂圖曼帝國前首相Ali Kemal,所以 Boris Johnson 做外相最大作用,唔係處理佢想處理嘅BREXIT,而係中東問題上,佢可以睇到問題所在,而暢所欲言都無中東國家敢出聲,因為佢根本都係中東血統。

Boris Johnson 猛烈批評伊朗同沙地喺唔同回教國家搞「代理人戰爭」,呢個批評極為到肉。點解印尼出現有一班友發癲攻擊椰加達市長鍾萬學,點解回教黨背叛反對運動,諗住同納吉呢條仆街合作,點解ISIS可以肆虐,點解塔利班可以一直存在,無沙地阿拉伯皇室贊助係搞唔成,換言之,如果沙地阿拉伯皇室嘅黐線作為無人制止,根本回教原教旨化係解決唔到。沙地阿拉伯作為遜尼派代表可以咁玩,伊朗作為什葉派代表,就一定跟機,天下就永無太平可言。但要有呢個視野,如果外相唔係歷史學家出身,鬼知呢啲複雜歷史(大家明點解美國喺中東好難玩得掂),一般歐洲白種基督徒出聲,一定引起問題,但 Boris Johnson 曾祖父係鄂圖曼帝國嘅首相,係喺鄂圖曼帝國瓦解後,土耳其嘅混亂戰局下,其中一個英國血統旁支流亡英國,植根至今。

如果大家唔正視沙地同伊朗兩個問題根源,回教引發嘅種種事端,幾百年都唔會搞得掂。








捐款:
Citibank Hong Kong: 14830515
恆生銀行:395-158777-882
Bitcoin:1PTHjBPuciq5JS8MBo9cUVVr7orSaU1AuV
Paypal: https://paypal.me/martinoei

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!





發表迴響

你的電子郵件位址並不會被公開。 必要欄位標記為 *