勇武

勇武 和理非 戰略 戰術

勇武 抗爭同和理非之間嘅爭論,我一直好少參與,因為我一直認為呢類討論,同二次大戰前係維持大炮巨艦主義,定開始向航空母艦為本嘅打法改革嘅討論一樣,流於宗教性質,完全無戰略同戰術評估,相當無聊。

梁天琦最近接受訪問果陣,講番佢DQ戰中,無出聲,係怕因被告暴動罪要還柙,所以寧願去讀書。梁天琦嘅誠實,我反而覺得佢係有戰略同戰術頭腦,係呀,你叫梁天琦出嚟,好 勇武 ,但代價換到乜嘅戰略或戰術決定性目標先?任何犧牲都要估算戰略同戰術目標。

好喇,咁乜時候講 勇武 ,乜時候講和理非,其實好視乎你嘅戰略目標,當然唔係蠢到好似啲大中華膠講,感化中共導向民主。中共如果係罪犯,如果有感化官要為中共寫感化報告,只能用無可感化呢個結論。 勇武 個實行成本較高,無論個risk,定係需要嘅實行安排,都相對高,所以 勇武 係要做,但目標、行動、平日嘅訓練全部諗過晒,頭腦唔夠周密,執行力唔夠嘅,咪講 勇武 。

和理非嘅優點,一如梁天琦講,容易聚到人。其實我可以咁講,和理非係成本低,門檻低,而且可以爭取中間力量,但問題係,和理非過往喺英治年代係低成本高效,梗係戰略或戰術首選,但依家梁振英亂DQ事件,可以講和理非係低成本,但無效。咁係要諗,和理非點樣戰術變化,提升performance,否則 勇武 支持者實唔耐煩,因為支持 勇武 好多係實效主義者嚟。和理非長期聚集左膠可以理解,因為和理非往往唔駛咁頭腦清醒,容易濫竽充數。

但最近有件和理非嘅事,係好本小利大,係下周選委投票,有票好投,IT界好簡單,投晒本土同泛民聯合嘅IT Vision 30張飛,令689陷入苦戰好重要。梁振英猛咁DQ人,另一方面要減少對佢不利嘅選委票,一個議員 = 一票選委。呢啲本小利大嘅事,阿水都要做。








捐款:
Citibank Hong Kong: 14830515
恆生銀行:395-158777-882
Bitcoin:1PTHjBPuciq5JS8MBo9cUVVr7orSaU1AuV
Paypal: https://paypal.me/martinoei

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!





發表迴響

你的電子郵件位址並不會被公開。 必要欄位標記為 *