裝甲車

海關點可以扣人地國家 裝甲車 唔駛俾理由?

據新加坡武裝部隊所講,香港海關到依家,都俾唔到新加坡任何理由,扣押果九架AV-81 裝甲車。

香港海關梗係俾唔到理由,因為擺明係契丹政府指令下,香港海關濫用權力,迫新加坡果九架 裝甲車 落船,完全係不知所謂,如果新加坡真係打到上法院,唔通又要人大常委亂搬龍門,因剛果案果陣嘅絕對豁免權,又變咗英國管治時期嘅相對豁免權,當一個所謂自由港嘅法律,可以係咁玩磁浮龍門,左搬右搬,呢個自由港仲係唔係自由港都成疑問。

無理由之下亂咁扣人地國家嘅 裝甲車 ,呢件事根本已經係一種宣戰行為,如果新加坡窮盡一切和平手段,都唔能夠攞番果九架 裝甲車 ,我只可以咁講,就只能訴諸武力一途,因為只有戰爭狀態之下,至會咁樣亂咁搶人地啲武器。海關如果仲作唔到一個合理理由出嚟自圓其說,新加坡一定喺法律上處處進迫,新加坡喺英國請個頂級御用大狀玩你都仲得,新加坡試過搵成批英國同法國嘅法律精英,喺國際法院打贏馬來西亞,保住白礁島主權。乜契丹真係認為新加坡咁流?

我食住花生,睇海關點解畫。

發表迴響

你的電子郵件位址並不會被公開。 必要欄位標記為 *