劉小麗

DQ 劉小麗 :貪勝不知輸

梁振英似乎為咗爭取連任,特別X建聯嘅支持,無所不用其極,冒連左膠一併激嬲嘅風險,由政府司法覆核 劉小麗 嘅宣誓,意圖DQ佢。

梁振英嘅意圖好清楚,就係喺九龍西兩席空缺情況下,由於行比例代表制,所以東德萊比錫大學讀過書嘅葉傲冬(記住,係東德,同喺北韓留學分別唔大),土共仆街葉國忠嘅仔,同葉國謙嘅侄,就好大機會偷雞上位。






當然梁振英敢賭呢手,因為佢見泛民啲支持者仲on99,喺游蕙禎、梁頌恆被DQ期間,對人唔對事,係咁狂攻佢地,依家咪食到 劉小麗 當災。好似羅冠聰、毛孟靜、吳靄儀大律師呢啲咁心水清嘅人,有幾多個至得架。

只不過,DQ 劉小麗 ,反映梁振英個人貪勝不知輸,同二次大戰前嘅日本一樣。呢次DQ 劉小麗 係會激起所有泛民主派支持者把火(唔計投咗共嘅熱普城),喺游蕙禎同梁頌恆官司未完之下,由於游蕙禎同梁頌恆嘅終審判決,有機會令DQ 劉小麗 嘅官司提早玩完,呢個情況下,游蕙禎同 劉小麗 變咗有攻守同盟關係,中共無理由唔知有咁嘅結果,除咗梁振英趕住要換X建聯支持,無其他解釋。

要幫 劉小麗 ,依家可以郁手,除咗 劉小麗 嘅訟費要幫,可以同步支持梁頌恆同游蕙禎單官司,簡單嚟講,借東線戰場守西線戰場,呢個至係泛民應有嘅策略思想。至少喺終審一戰,游蕙禎或梁頌恆可能要提早搵李柱銘御用大律師出手,令政府唔好再喺 劉小麗 果度上訴搞事。






捐款:
Citibank Hong Kong: 14830515
恆生銀行:395-158777-882
Bitcoin:1PTHjBPuciq5JS8MBo9cUVVr7orSaU1AuV
Paypal: https://paypal.me/martinoei

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!





發表迴響

你的電子郵件位址並不會被公開。 必要欄位標記為 *