開唔開李氏力場

[youtube=http://hk.youtube.com/watch?v=S1Dq83OdFWg]

當然,李氏力場喺現實係唔存在,純粹係天文台黐孖筋嘅行政決定搞出嚟嘅副作用。如果李嘉誠真係有咁嘅實力,北京實叫李嘉誠開咗佢。

呢次呢個北冕,完全考驗天文台台長嘅政治智慧。因為呢個風充滿倒屎膠力,你話佢強呢,佢睇唔係十分強,你話佢唔強呢,呢個風真係有可能在市區帶來烈風。咁你係林超英,掛唔掛八號風球。掛呢,如果股風唔強,就會被田北俊呢挺膠人鬧死。如果唔掛呢,萬一奧馬工作人員有乜冬瓜豆腐,特首陪林生提早腳痛走佬,咁你可以點。

我唔係要搏多日假期,但由於北冕呢個風強度走勢好有飄忽性,加上奧馬臨近,有乜人命損傷阿水都負唔起,個風如果進入香港一百五十公里範圍,林超英應該做一個政治決定,就係掛八號風球。

如果田北俊條膠人多聲氣,咁叫北京諗吓豉油黨呢班硬膠挺唔挺得過。

5 thoughts on “開唔開李氏力場

  1. 不過北冕只係熱帶風暴(by definition 風速最高只會係88km),進入香港 150 公里範圍都多數唔會掛八號。除非直吹香港登陸,又或者增強成強烈熱帶風暴或颱風,否則應該唔會掛八號。

  2. 我試試用陰謀論來吹水…李氏力場一定會開盡,颱風一定遠離,睡前聽新聞知道美股勁升,為了營造奧運前股市暢旺的情景,明天一定要繼續開市…

  3. 一開始我都覺得打唔成,因為一個熱帶風暴除非吹正香港,否則香港好難有烈風。

    但今日起身見到變左「強烈熱帶風暴」,冇野講。

發表迴響

你的電子郵件位址並不會被公開。 必要欄位標記為 *