人民日報

人民日報 叫你咪沽人民幣 = 支爆近了

人民日報 今日喺第18版,用咗成大半版,叫大家咪沽人民幣,可以按實際需要至要沽,唔駛一窩蜂去沽。

我係故意攞 人民日報 嘅pdf截圖,因為要判讀 人民日報 一條新聞嘅重要性,係要睇版位,只睇網上版好難準確判讀,有幾樣嘢,可以由 人民日報 呢篇報導睇得出嚟:

1. 支爆唔會即時發生,支爆即時發生,係會出喺頭四版,依家第18版。

2. 支爆唔會即時發生,但危機係具體同明顯,否則唔會出喺 人民日報 中國當地版本,唔係統戰用嘅海外版

3. 好明顯啲黨官要留番啲外匯俾自己換,所以至用 人民日報 出手氹你班蠢嘅中國人民咪換住,即係讓領導先走。

當契丹班官玩讓領導先走玩到咁明目張膽果陣,你覺得你唔駛沽人民幣?支爆雖然唔會即刻發生,但支爆一定係近了,你依家唔沽人民幣,唔通等到1兌1,甚至0.8兌1果陣至換,屆時連上環啲找換店都未必肯收。所以香港人依家要自己諗清楚2017年條路點走,換定美金現鈔,同埋更新定外國護照(包括BNO),幾乎係香港人常識。

發表迴響

你的電子郵件位址並不會被公開。 必要欄位標記為 *