袁先生,乜可以咁樣作新聞?乜可以咁樣A字膊?

http://chinanews.syc.edu.hk/media/hksyu_20070306_v8.wmv

睇完無線電視新聞部主管袁志偉,對著樹仁大學學生發的謬論,真的無名火起三千丈。

先講他如何看,文化界、評論界對無線記者在WTO期間,無厘頭直播戴頭盔一事批評的回應:
「同示威者近距離接觸時,我要求他們戴,好多記者被扑親。我要求每一個人現場採訪都要戴,她做live咪要做番俾我睇。」

呢些係乜野新聞行政人員講的謬論,如果大家有印象,都知我當時在現場前線。我相信我所知比袁志偉清楚很多倍。當時做直播時,現場環境無合理懷疑,當時會即時爆發衝突,因為當時爆發衝突,坐底有三十至六十分鐘醞釀,足夠讓前線記者去決定是否佩戴裝備,前線人員可以按當時環境來決定應否戴頭盔。如果戴頭盔有扭曲事實效果,專業新聞人是不戴頭盔。袁志偉還洋洋得意,向樹仁新聞系學生講他如何「英明」,認真教壞細路。

另一方面,有學生問為何趙海珠轉去賣窩輪,點解起用一批無經驗的新聞明星,袁志偉的回覆竟然話:問now,即係問羅燦。我想問袁生,羅燦主管無記新聞部時,袁生做緊乜,難道他不是無記管理層,作為新聞行政人員可以卸膊卸得如此乾淨,這還是行政人員應有態度?相比起《南華早報》前副老總林和立,風骨相差太遠。

我認為他沒有資格,去批評趙海珠。她離開新聞界係好事,唔係因為新聞界無發達,而係太多毫無廉恥的新聞行政人員,做新聞專業無法堅持。而我可以肯定,由袁志偉的往績,在北京大屠殺後,猶如廣府講「恰熟狗頭」咁訪問李鵬,到他這番言論,他應該立即辭去無線新聞部主管工作。

補話:趙應春話不許拍掌事件,是有人刻意把事件政治化,以及質疑八大電子傳媒的中立性。趙生都唔係第一日出黎撈,乜電子傳媒仲有中立咩。至少亞視、無線已經無資格自稱中立,咪自己呃自己。更何況首批質疑不准拍掌決定,是文字傳媒,因為這決定實在太有此地無銀三百兩的感覺,倒不是梁家傑陣營。

3 thoughts on “袁先生,乜可以咁樣作新聞?乜可以咁樣A字膊?

  1. 袁老花點會辭職? 佢辭職可以去邊呢! 我甚至懷疑左報左台外都冇乜人肯收留佢……

    我覺得始終TVB管理層唔係新聞人(冇乜風骨), 而且六叔六嬸年紀大一心只係想把TVB善價而沽, 佢呢d小氣縮骨中層嘛有生存空間囉. 君不見歷經新聞部改朝換代, 人材流失, 負面新聞不絕, 佢都可以屹立不搖……

    借題發揮:不過以我呢位局外人覺得, 羅燦其實對今日既局面都有丁點責任. 當年作為學生參觀新聞部, 發現同樣的新聞內容, TVB居然找兩批人同時做同一樣野 (羅燦居然請一班新既SUB-EDITOR獨立做同翡翠台一樣既外電古仔, 同樣一條古仔, 用兩把聲配兩個版本, 分別係TVBN同翡翠台播, 但TVBN新聞的量同品種以至深度都唔見得同六點半新聞有大分別) 天啊!咁樣架床疊屋法, 梗係好易被有心人搵藉口開刀啦!

  2. 再補充: 袁志偉係羅燦年代, 係負責公共事務節目的經理. 不過, 我又記得羅生走後, 趙海珠有將近兩年的時間穩坐六點半主播之位, 而林燕玲都係被袁志偉安排做六點半主播, 只不過一兩個禮拜後林小姐就辭職……袁志偉分明小氣啦.

  3. 1. 羅燦的做法背後思維,我肯定來自他做蘋果日報辣手神社果陣,因為壹傳媒同一條新聞有A、B、C隊去做,以及只會揀最好一隊黎登係行內有名。

    2. 袁志偉小器又要扮有風骨,人地係有眼見,依家係互聯網時代,佢響大學亂講廿四,行家有眼睇。

發表迴響

你的電子郵件位址並不會被公開。 必要欄位標記為 *