膠觀點:如何令 奧巴馬 成為英國首相?

英國最近有一個膠到震嘅網絡活動,就係請求即將卸任嘅美國總統 奧巴馬 ,擔任英國首相。

奧巴馬
奧巴馬

大部分美國總統,都無乜可能成為英國首相,只不過, 奧巴馬 係一個例外。因為 奧巴馬 喺1961年,出世喺成州無幾耐嘅夏威夷果陣,佢老豆 Barrack Obama Senior,其實係一名英籍人士,肯雅嘅CUKC(香港人一定知CUKC係乜嚟嘅,無錯 Citizen of the United Kingdom and Colonies),而 奧巴馬 作為一個肯雅英國公民嘅仔,佢都好順理成章,一出世擁有 CUKC嘅身份。 奧巴馬 好可能因某啲因由,係一名British Overseas Citizen。

作為一個一出世擁有英美兩國雙重國籍嘅人,同外相Boris Johnson一樣,但由於肯雅係殖民地國籍問題,咁 奧巴馬 點做英國首相。咁英國要國內立法

1. 廢除 British Nationality Act 1981,並立新法果陣,將 奧巴馬 嘅英國國籍還原到1983年前一樣,係British Subject: CUKC

2. 廢除 Immigration Act 1971,解除對非英國本土出生人士定居英國嘅限制,容許佢可以憑其父系嘅國籍,自由定居英國本土

3. 奧巴馬 加入是但一個英國政黨,工黨應該最近佢果皮。

4. 工黨搵個 safe seat俾佢,選入 House of Commons,以佢選過美國總統同美國參議員嘅戰鬥力,英國大部分左膠為主選區隨便都可以打落嚟。

5. 工黨選 奧巴馬 做黨魁,等佢做埋 leader of opposition。

6. 等General Election, 佢能唔能夠掃唔掃平群雄,睇佢造化。

7. 如果佢領導嘅政黨贏得大選,等女王喺文翠珊建議下,委任佢做首相。

當然,如果 奧巴馬 咁都做得首相,即係英國找晒BNO同香港BDTC條陳年爛帳,英國人應該唔會為 奧巴馬 做總統,咁找咁大條數啩。

5 thoughts on “膠觀點:如何令 奧巴馬 成為英國首相?

  1. 女王喺文翠珊建議下———>有需要後者建議嗎﹖英女王不是有權自行邀請她認為可於下院得到支持的人組閣嗎﹖

發表迴響

你的電子郵件位址並不會被公開。 必要欄位標記為 *