從政要有從政的擔當

以下句子,摘錄自譚偉豪給選民的email:

「為何參選人絕不可缺少平常心?以自己為例,參選固然是出自一股動力,或者說出自一番使命感,希望為IT業界帶動「產業,創業,就業」,為香港打開新局面,皆因我深信,IT應該做主角。」

有使命感的人,應該有所擔當。在4年前,譚偉豪主動約見我,諮詢我對他從政的意見,我建議他若要從政,請由民選區議員做起,但他不肯後,我已經覺得這個人沒有什麼擔當。近日有兩件事,我更加覺得譚偉豪這個人一旦當了立法會議員,出了事隨時比特區政府官員更不負責任。

1. 譚偉豪的媒體統籌林永君,向媒體指部分曾提名單仲偕的人,也提名了譚偉豪,最後證實是失實的。之後譚偉豪把責任推給林永君,指這只是林永君私自發出。
我覺得譚偉豪的說法,絕對是黐線和不負責任。林永君並不是那些收幾千蚊人工一個月的議員助理二打六,他是慧科訊業,即大家用開Wiser的創辦人,慣於與政府周旋,我在互聯網專業人員協會擔任執委時,爭取互聯網專業人員協會會員擁有功能組別選民資格時,我與他並肩作戰,林永君絕對是知道自己在幹什麼的人,那怎會胡亂發電郵,沒有譚偉豪授意,Ringo會發電郵嗎?光是這點,我己經覺得譚偉豪太過份,若我是林永君,沒有理由還去幫譚偉豪搞科薈,若不辭職求去,這樣打仗一點意義也沒有。

2. 網頁出現iPhone設計事件,更加顯出譚偉豪詐傻扮懵沒擔當,譚偉豪是做Consumer Product的廠佬,做廠佬的一定知道除了Copyright,Design和Trademark Infringment可以大鑊到什麼程度。如果他權智旗下產品,被其他公司以一樣方法侵權,他會接受對方設計疏忽為理由,而不去告人的嗎?我也是廠佬子弟,大家以心比心,就知譚偉豪根本是胡說八道。

資訊科技界,實在不需要一個可以用歪理文過飾非,沒擔當的傢伙做代表,令業界蒙羞。

2 thoughts on “從政要有從政的擔當

  1. 呢條友要講真係大把野講呀,個 IT 達人 Talk 之前又話未諗定係咪參選就拍, 以家佢網頁度話人地律師會都係咁做所以冇問題 (人地邊有幾秒鐘個人profile)。仲由佢網頁可以 link 過去佢 Youtube d 片度.

    仲有佢話 Facebook 開 group 係互聯網文化, 舉例話中大都開左好多 group, 仲話好多人覺得冇問題, 先扭曲亂開 group 當互聯網文化 (文化都有道德觀念嘛, 潮流興 BT 下載人地 d 歌又叫人跟住做咩), 但又唔提下 HKCS 個 group, 仲有如果真係咁大條道理, 佢唔駛將個 admin 轉晒畀疑似假人啦.

    iPhone 事件就只有靜靜雞換左, Apple 有搵過佢佢仲要話冇問題, 佢講到佢點樣支持香港創意工業, 又或者咁講, 佢所支持創意嘅程度就只維持 “Repeat and Duplicate” 嘅階段. 反正佢都洗濕左個頭, 不如叫個 designer 出黎, 打封公開信話係佢自己整上去而譚生又冇睇過啦.

    正如你所講, 佢為左 cover 自己所作所為可以咁樣扭曲事實, 仲話人地抺黑佢, 如果佢做左議員, 想像到佢可以任意踐踏我地專業, 仲將好多不公義同錯誤訊息帶畀社會。

發表迴響

你的電子郵件位址並不會被公開。 必要欄位標記為 *