美國總統大選

美國總統大選 ,相信係好多香港人關心嘅事,對好多只係識炒股票嘅廢老,梗係身家攸關。對於關注香港獨立嘅人, 美國總統大選 結果,影響美國日後外交政策,亦意味住,香港前途好可能係千里之外嘅美國選民間接做咗決定。

我好少講美國政治,但既然連沈旭暉都邀請我講 美國總統大選 ,我就不妨喺呢度,分享我對 美國總統大選 嘅睇法。




美國總統大選
美國總統大選

美國呢個國家我唔陌生,雖然我係英國人,但我平日生活同美國關係密切好多。我少寫美國,因為美國呢個國家比大家想像中複雜同分裂,大家喺傳媒見嘅美國,其實只係代表華府、加州同紐約三地嘅一啲拼湊部分。特朗普呢個一直支持民主黨,但居然做咗共和黨候選人嘅投機分子,其實係第一個真正代表美國另一面,果啲幅員廣大內陸地區選民睇法嘅人。

佢同小布殊一樣,都係明明長春藤系大學出嚟精英,就走去派膠。但小布殊係傳統政治世家出身,佢始終係精英嘅一群。但特朗普呢條友,係紐約傳統有錢人都避之則吉果啲人,儘管佢係紐約中上階層家庭長大嘅人,所以佢係好反精英。而反精英呢樣嘢,正係特朗普呢條友平日生活淫蕩,但居然得到保守選民支持嘅原因。

所謂保守選民,其實係一群鄉下人,佢地某啲地方同民主黨代表嘅精英對抗,唔係無道理。好似National Rifle Association (NRA)代表嘅反對槍械管制嘅人,對城市精英,槍械管制係維持治安,但對農村地區,官府在遠,拳頭在近,你管槍即係要佢地放棄自衛權,點掂?但有啲地方,真係完全係因對外界所知不多,盲目反對,好似佢地對同性婚姻態度就係。

由於城市人,連共和黨啲精英,都係支持希拉里,所以我相信,城市佔多數嘅州份選舉人票,會喺晒希拉里袋度,包括佛羅里達,因而贏得大選。特別FBI話希拉里無嘢好告,其實係掃除城市人投她嘅障礙。但希拉里唔會大勝,因為內陸地區唔會支持呢啲精英。

呢種局面,相信未來十幾年都會係咁。所以唔好同我講乜嘢「搖擺賓州」,美國係一個城鄉分歧明顯嘅國家,呢個決定咗政局的大致走向。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *