皇族內閣 已成,香港只剩革命

一如所料,香港獨立革命最後一根稻草已經出現,人大常委在今日早上非法釋法,由1997年7月1日起計,所以宣誓唔莊嚴嘅議員都DQ,包括黃毓民同梁國雄,而莊嚴與否嘅標準,由契丹共產黨自由心證。 皇族內閣 已成,香港只剩革命。




皇族內閣
皇族內閣

皇族內閣 ,係辛亥革命嘅導火線,原本梁啟超等人嘅立憲派,以為大清帝國可以透過君主立憲自我改進,當時嘅大清帝國可以和平咁現代化,如果當時確實成功,或者後嚟嘅鄂圖曼帝國都不至於皇室成員全逐出土耳其本土,今日土耳其仲係叫鄂圖曼帝國。但呢類帝國改進根本唔可以鏟平既得勢力滋擾而取得任何成功,最終大清帝國政府,仍得倒台收場。

習近平明知係政變陰謀,仍然得《成報》嘴炮意圖阻止釋法,你諗到今日中華人民共和國內部反改革,任意妄為勢力之大,根本有如大清帝國一樣,必須砍掉重練。鄂圖曼帝國仲有個叫凱末爾嘅英雄,促進土耳其現代世俗化改革,凱末爾用九牛二虎之力改進土耳其,依家民主、自由都未竟全功,更何況契丹。香港只剩革命,港中分家,可能得救。

我本來唔想點名評論界前輩作批評,但有啲人,到依家仍然指責青年新政,我想問你們鄉愿夠未?呢次釋法,連相對溫和嘅自決派都要KO,甚至連梁國雄都要KO,但梁振英讀漏字唔駛KO,因為根本成個標準本質就係做共產黨隻狗至可以做議員。你們幾時肯接受民主回歸根本係失敗而白痴?

11月7日,乃港中歷史分界線,香港人與中國,就此分手吧。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *