咁就想屈人雞姦?未免太硬膠

依家因為成街都係膠,搞到就嚟連呢度都可以改名做每日一膠。馬來西亞首相阿都拉的硬膠度,已經去到一個匪夷所思的新水平。

Malaysia Today相關報導(英文)

賽夫在報警老屈安華雞姦前四個鐘,佢去一間私家醫院尋求醫學意見,問自己有無被雞姦過,點知份報告完全否定有被雞姦的可能性,照樣去報警,之後政府經營的中央醫院就整咗份醫學報告話有人雞姦過佢。好明顯,成件雞姦事件根本係一個局,賽夫只不過奉命行事玩老屈。但依家係互聯網年代,加上馬來西亞班友玩得太硬膠,結果依家搞得唔好隨時變成一宗大醜聞,不過係阿都拉的大醜聞,如果人民公正黨製造補選,安華贏咗就唔做首相都唔得勒。

當巫統可以膠到呢個地步,基本上就睇國陣幾時瓜老襯。所以沙巴進步黨睇形勢睇到好定,已經堅拒收回支持罷免案,等國陣踢佢地出局,無他的,見個黨膠成咁,你估好似回教黨某啲膠人咁,趕住去搭沉船。

發表迴響

你的電子郵件位址並不會被公開。 必要欄位標記為 *