長毛需要更多膠力

在2000年,我係新界東選民的時候,我已經身體力行投票俾長毛,原因好簡單,一個連私人議員法案提出都諸多阻滯的議會,最好選條友入去玩膠,膠到無朋友為止。

到今日,我都會呼籲投梁國雄一票,在淫照案果陣,係我call長毛出嚟搞示威,當其他立法會議員唔知死咗去邊度果陣,得長毛第一時間同你伸張正義。在豆腐渣學校問題上,長毛的正義感係不容置疑。

不過,你話長毛有乜不足,我可以講,係佢玩得未夠膠,我係一個歐洲人,歐洲人和加拿大人最愛在必要時,在議會倒屎,呢招叫議事癱瘓(或議事便秘 Legislation Constipation),例如在1997年,加拿大新民主黨人同自由黨人,為阻止渥太華轄下部分地區同多倫多合併,夾手夾腳入咗12000條修訂,單議案審咗足足十日,雖然議案都係過咗,但已經玩到加拿大保守黨謝晒。

社民連中人,與其被冷眼,肥蟛蜞呢類土共五毛作古仔分化,不如諗吓點樣玩殘班土共好過喇。佢地兩條友作古仔,我得閒至回應佢地,但社民連為咗個虛構故事浪費光陰,最開心一定係高祀仁條死肥佬。

好書推介:The Worst-case scenario almanac: Politics,由David Borgenicht同Turk Regan所寫,最新出版,呢本書係一本羅列政治上膠事的書,例如意大利在1982年拎硬幣嚟擲一位懷疑貪污嘅政客,成本書都膠力十足,高度推介。

One thought on “長毛需要更多膠力

  1. 我不覺得他們兩人是五毛,但也希望這次事件能告一段落,集中力量追殺葉劉,因為在候選人中,除了毓民,用網絡助選最多的就是葉劉,而且她用的是形象,對香港人這種懶看政綱只看印象的人來說,是很有效的助選方法。
    所以我們要做的就是在葉劉的facebook批評她的以形象偽裝出來的”政綱”,例如說自己以前反對外傭稅,但一無証據,二無承諾。一來破壞她的文宣,二來她是個eq低的人,一時出口說了不該說的話,也不是不可能的。
    不過我被block了,也不打算再進去玩了,希望有其他人接手。

    葉劉這次很明顯有請公關,用足政治化妝,我未看有關的書,但只看葉劉也看得出甚麼是政治化妝了。

發表迴響

你的電子郵件位址並不會被公開。 必要欄位標記為 *