中國夢與 民主黨

民主黨 喺青政被DQ事件,可謂進退失據,大中華膠如長毛,喺議會尊嚴,香港人自決權利呢啲課題上,佢企番喺香港人果邊。但 民主黨 老一輩,竟然走向指責青政係咎由自取,被人鬧爆。年青嘅 民主黨 人,幾乎被老一代玩死,區諾軒(南區區議會,利東一選區議員)、許智峰(國會香港島選區議員)果啲就完全唔同睇法,企喺青政果邊。

民主黨 人之所以搞成咁,或者大家由羅文《中國夢》呢首歌開始理解,就會明。




民主黨
民主黨

其實最早提出中國夢呢個概念,並唔係習近平,而係支聯會。每年一九八九年北京大屠殺維園紀念晚會,《中國夢》幾乎係必播歌曲,仲要係狂播果隻,配合成個悼念晚會嘅民族主義主題,直到近年本土思潮興起,俾人鬧爆,至收歛無播咁多。但毫無疑問,《中國夢》反映係一九八九年走過果一代民主黨中人嘅中心思想。

所以大家見到, 民主黨 投共嘅友仔,好似張炳良、Prompter of Preparation H(人稱馮萎光,擅長賣ass-cream)、劉江華呢啲人,都係民族主義傾向強好多嘅匯點出身。就算其餘相對弱嘅民族主義分子,只要中共民族主義捧一揮,佢地自己會獻身,因為呢個中國夢,係 民主黨 老一輩,同習近平之間最大嘅交集。一如國民黨陣營,一聽到所謂統一,洪秀柱都仆到去北京見習近平一樣。

如果民主黨老一輩唔拋棄中國夢呢個春秋大夢,我可以講,年青一輩嘅 民主黨 人,遲早同 民主黨 割蓆。我對中華文化嘅認識(我本身可以講華語),甚至中國國情嘅認識(我諗我係最早一批知道同協助中國維權運動嘅人),中國係人同國家都無法可救, 中國夢 呢個春秋大夢,只會令自己淪為暴政機器而不自知。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *