承認咗游蕙禎個宣誓算吧,否則等 梁振英 立即落台

梁振英 以為迫人大常委釋法,可以趕走游蕙禎同梁頌恆兩位港獨派議員,迫契丹政府俾佢連任。點知人算不如天算,有人睇法 梁振英 喺2012年嘅誓辭,原來係讀漏咗香港兩個字。




梁振英
梁振英

如果照黃定光都要讀過誓詞嘅原則,如果游蕙禎同梁頌恆嘅議員資格都要立即取消,咁 梁振英 係無可能成為一個合法嘅特首,呢次真係捉蟲入屎忽嘅典範。換言之,如果政府諗住要用人大釋法迫法院取消游蕙禎同梁頌恆資格,過去幾年, 梁振英 亦係一個非法特首,釋法反而造成重大憲政危機,屆時無人會識得收科。

咁如果我係北京,我會點收科。今日梁君彥雖然係懵盛盛,連楊岳橋大律師坐喺度同佢講嘢都唔知,但佢今日講漏咗啲嘢,令游蕙禎同梁頌恆變相已經完成宣誓程序。

游蕙禎同梁頌恆,根據《議事規則》第18條無須預告,自行宣誓,只要梁君彥喺度就得,而梁君彥當時無學陳維安咁講,佢無權為兩人監誓,喺休會前,亦無話兩人宣誓不獲接納,根據新界東北撥款事件,混亂不堪情況下表決都獲接納嘅情況,如果梁君彥無話宣誓不獲接納,呢兩個人嘅宣誓其實完成咗,只不過成個程序騎呢同硬膠。如果梁君彥依家宣布游蕙禎同梁頌恆已經妥為完成宣誓程序,政府又drop咗明天單JR,咁件事就結束。

但如 梁振英 堅持玩落完,依家好明顯第一個落台就係佢,真係害人終害己,現眼報。 梁振英 仲想玩落去,乜你有得玩咩?




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *