膠觀點:土共如何射波,令 游蕙禎 可以宣誓而唔俾人攞把柄

雖然土共千方百計唔想 游蕙禎 、梁頌恆可以宣誓,只不過,依家咁嘅僵局,其實都係政治自殺。日後要反拉布,庶近零可能。既然係咁,快快俾 游蕙禎 宣誓而唔令土共太無面,變咗一個好重要嘅議題。

呢度會定期提供膠觀點,今次我提供條橋,令 游蕙禎 可以順利宣誓,但政治責任唔駛土共負責。




游蕙禎
游蕙禎

第一次宣誓,梗係陳維安玩,但之後嘅宣誓,唔係事必要梁君彥監誓,梁君彥或佢授權嘅人,都可以。梁君彥都唔係鐵人嚟。咁問題嚟,梁君彥如果突然肚痛,監誓唔到,咁跟住係乜水呢。

一般會先由內務委員會主席代其職務,如果內務委員會主席都唔得,就由內務委員會副主席嚟。內務委員會主席係李慧琼,呢條八婆梗係唔會詐病。但如果佢真係病咗,就由公民黨嘅郭榮鏗大律師監誓。

如果土共真係甘介意 游蕙禎 讀到契丹個國名咁衰,但又唔想長期會都開唔到,除咗滿足梁振英嘅變態心理,一啲好處都無嘅話。李慧琼不妨射個波,話經痛,定乜叉痛都好,甚至肚痾,咁就由郭榮鏗監誓。民主派監民主派,好喇,無問題,唔關土共事。

問題係:土共太無恥,IQ亦太低,咁繼續流會就好。我唔介意有幾多午餐肉被消耗,呢個問題交由王國興,同班土共自己打飽佢。如果土共醒水,知道六中全會有𤓓味,俾我都唔會跟車咁貼。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *