有所為,有所不為

Miss Mo(我們網台出身的人,對毛孟靜的稱呼)兩本書,一本叫《有所為》,一本叫《有所不為》,這對書名改得真好。昨天路經上書局攤位,買的兩本書就是這兩本。

有所為,有所不為,不單林忌這傢伙經常掛在嘴邊,這也是一眾華裔印尼人子弟,家教的組成部分。不少華裔印尼人的家世,以至學識,要做好多膠事都沒問題,但我們寧願自己吃苦,辛苦一點都不去做,這是我們做人的基本態度。

今天香港上至自由黨或一些富豪,下至一些住在「豪宅」所謂中產,為何庸俗得如此不堪,身上堆滿名牌都看不出一絲格調,因為他們沒有對文化藝術的追求,更談不上他們對社會的一些承擔,遇上少少挫折就問政府伸大手板要,平日不去準備,到了危難個個龜縮,沒了舊歐式貴族和知識分子格調的社會,那是怎樣的社會。

今天蔡子強在《明報》的文章,是一篇值得細讀的文章,他正正點出了,我們所謂中產何等沒修養。

蔡子強﹕香港中產只講「着數」﹖

所以,某些只講業界利益,不講社會公義的功能組別候選人,請你們少大言不慚,對社會而言,不知有所為,有所不為尺度的所謂上流、中流,也只是一群蛀米大蟲。

4 thoughts on “有所為,有所不為

  1. 其實0個篇文章, 我都有幾多唔贊同0既地方. 中產唔滿意0既唔係交稅, 而係政府點對中產同埋點用d稅款. 大佬, 你用我地d稅款請埋d福佳政治助理, 養埋d有手有腳唔做野0既人, 火滾係人之常情0者. 仲有就係d福佳教育政策, 政府死要自己搞學校, 又搞得差又唔係洗得少錢過人, 叫佢用學券制, 佢又搞個A貨出黎. 咁樣想要好d教育0既人, 就完全唔受惠政府0既津貼, 係唔係fair 先? 中產並唔係完全(或大部份)因為外傭稅而爆發. 我地都明白, 食物價格上升, 真係對我地冇咩影響(可以話完全無影響tim). 所以用大d proportion 0既錢去幫基層係無可厚非. 但如果將中產0既不滿, 完全用晒中產自私同外傭稅去插中產只講著數, 咁完全係無視左中產一直以來所接受0既不公. 外傭稅只係因為政府膠力太強引起0既爆發點而已. 仲有就係, 佢講social mobility, 係政府搞膠個教育同經濟先, 我地40-5x 0個D中產0既子女, 一樣面對緊而家缺乏社會流動性0既問題, 唔該呀蔡生唔好講到中產好似係罪魁禍首咁囉.

  2. Taron, 我覺得你完全是貓哭老鼠囉 , 第一 , 你地中產是否要追求你們”夢幻的生活質素(包括名校,車,私人樓,傭人)”先。然後你們就會嫌交稅後緊拙。而且稅項沒有理由是一種投資 , 而是社會的再分配 , 這點必須清楚。而你們這些非常庸俗的 , 卻自命非凡的中產精英 , 非有朝一日你們成為一窮二白的無產者 , 也不能/或不願去了解真正的痛苦而自私貪婪下去

  3. To PC:

    很坦白,沒有民主政制下的稅款,只是少數人濫權的工具,做不到財富再分配,甚至促進社會流動性的作用。

    相反,一個社會的品德更重要,像何文田愛民冬菇亭那位粥檔老闆,品德令人感動。

  4. PC, 我絕對反對你所講0既d咩所謂中產所追求0既夢幻的生活質素. 我講緊0既係社會0既不公. 我0係我上面0既文字有邊句講過嫌交稅後緊拙? 你搵唔到就唔該你寫出黎之後同我食左佢! 我講0既係政府點亂用稅款, 仲要害我地要局住接受呢d差勁政策帶黎0既後果. 我講話”所以用大d proportion 0既錢去幫基層係無可厚非. “你就可以當睇唔到, 原來咁叫庸俗. ok, 咁我唔再支持政府用大d proportion 0既錢去幫基層好唔好呀?!

發表迴響

你的電子郵件位址並不會被公開。 必要欄位標記為 *