香港人用 銀聯 嘅集體攬炒危機

最近由於契丹又大量外逃資金,呢次係成棚土豪借喺香港買投資性質人壽保險走錢,契丹政府宣布,禁止 銀聯 終端機用嚟繳付保費之用。

啲保險佬固然叫苦連天,但對香港人嚟講,再一次提醒香港啲提款卡都係用 銀聯 嘅危機。




銀聯
銀聯

銀聯 係一個契丹為本嘅國際信用卡網絡,係受中國外匯監管局嘅規管,如果契丹係一個外匯自由流動嘅民主國家, 銀聯 都只不過係一個主要國際信用卡同扣帳卡網絡,但依家契丹係一個喜惡無常,有外匯管制嘅國家,如果香港 銀聯 卡突然間因人民幣波動,或中國政局動盪因素,喺海外碌唔到,豈不是全香港人多得你唔少?

當初全香港提款卡改用晶片卡果陣,除咗渣打可以揀PLUS卡,同埋花旗銀行係因美資行緣故,揀VISA,其他,包括英資嘅匯豐都揀 銀聯 ,呢個簡直置香港人利益於不顧,無錯,喺契丹消費玩樂好方便,但完全忽略咗一旦契丹經濟玩完對香港人嘅風險。有朝一日,中國外匯監管局要block埋所有 銀聯 卡嘅海外提款功能,你有能力反抗。

我個人推薦開新戶口開花旗銀行,因為VISA Debit Card穩陣太多,但最終金管局應該迫銀行俾客戶選擇,張Debit Card加入 銀聯 網絡,定係VISA或Mastercard網絡,甚至應該有選擇係俾JCB添。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *