中國打算辦硬膠奧運會?

本來傳聖火過程已經膠到無朋友,之前《蘋果日報》的蔡元貴,唔知點解被人沒收回鄉證,結果搞到成街都係飛彈指向北京,北京至知膠咗要發回回鄉證,奧運未開幕,已經成街都係膠,今日兩件膠事,更令人覺得,呢鋪有可能係史上最膠的奧運會。

1. 先睇以下報導:
「行政院體育委員會主委戴遐齡今天指出,若奧運主辦方在北京奧運賽會中使用「中國台北」稱呼我方,中華台北代表團當然會退賽。她認為,因兩岸在1989年簽訂的協議範圍未含媒體,媒體要使用什麼稱呼,不在體委會主管範圍內。」

呢篇聲明唔夠強硬,因為中國無自主傳媒,應該係中國只要有硬膠傳媒用中國台北呢個名,立即退賽。

為咗遷就中國班膠人,中華民國唔叫中華民國或者台灣,叫中華台北已經好膠,中國台北簡直係同縱容男人當眾露械無分別,咁仲去嚟做乜。深藍膠李慶華話有信心中國官員和媒體會信守承諾,信共產黨狗屎諾言的人,太傻太天真,唔適合搞政治,應該返屋企訓覺。

2. 小弟的多年朋友周月翔,做PCCW NOW駐京記者採訪奧運,採訪民眾排隊買奧運飛排到打交,竟然被公安粗暴干涉。班公安水準低成咁,完全不知所謂。雖然周月翔已經無事啦,但好老實講,以我對中國公安硬膠質素的理解,各路行家,遲早又會遇到膠到無朋友的事,慣咗做土皇帝的地方官,話知你乜嘢國際信用。

發表迴響

你的電子郵件位址並不會被公開。 必要欄位標記為 *