支爆 與偽鈔

近日香港出現怪事,頻現面值一百蚊嘅 偽鈔 ,而且印刷方式粗糙,用A4紙,彩色打印或影印就算數,而黐金屬線嘅手法,真係同紙紮鋪果啲金銀元寶無乜分別。




偽鈔
偽鈔

印 偽鈔 係有套經濟學邏輯,基本上有幾樣嘢:

1. 由於印一蚊偽鈔,同印一百蚊偽鈔嘅法律風險同代價相若,所以 偽鈔 面額一般印大,所以 偽鈔 多數係一千蚊金牛,一百蚊美金。

2. 印乜貨幣同面額,係有套哲學,富流通性係好重要,點解最多人冒美金,唔係美金容易冒,而係世界流通度最高,津巴布韋幣,俾堅嘅你都攞去做第二啲貨幣嘅 偽鈔 喇。

3. 偽鈔 多數力求仿真,例如千方百計攞到棉紙。點解鈔票咁襟用,因為本質係布嚟,係用棉花造出嚟嘅超質紙,所以質感至咁特別。

基於呢個原則,印港幣一百蚊偽鈔,就算用影印機,都喺經濟學上費解,你話搏懵喎。點解唔用人民幣一百蚊搏懵,再換真港幣先?

但如果支爆將近,不法之徒就另有考量。因為 偽鈔 嘅風險問題,所以 偽鈔 本身不具流通性,一定會有存貨,如果存貨有去唔到嘅危機,就寧可唔印。

依家啲人寧願印一百蚊港紙,都唔印一百蚊人仔,係咪連印 偽鈔 果啲不法集團,都根本唔睇好人民幣匯價前景,寧願印定一百蚊港紙試水溫,一定港紙升番一對一,再嚟決定玩唔玩貍貓換太子。

各位要小心細額 偽鈔 ,好明顯中國犯罪集團睇唔好人仔,改印港幣,再用嚟換真港幣或者換物品賺錢,留意金屬紙,同印刷質素。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *