海盜黨 政治興起:香港人準備好未?

當香港仍然有唔少表面開明,實際清朝嘅人,頂唔住 游蕙禎、梁頌恆支那宣誓衝擊果陣,冰島已經有可能出現 海盜黨 總理。一直喺世界政治光譜上最左翼嘅北歐,可能出現海盜黨執政。




海盜黨
海盜黨

海盜黨 嘅政治主張,我簡單概括係打破版權壟斷、維護個人私隱、捍衛言論自由、促進資訊流通。佢地認為依家嘅版權制度係on9,認為私隱要大幅度受保障,言論自由不應設限,而資訊亦應該自由流通。當然,依家北歐 海盜黨 仲加咗唔少無政府主義,或相當左翼嘅主張。

香港無百分百 海盜黨 ,只有理念接近嘅組織鍵盤戰線。但香港係唔係無 海盜黨 政治?唔係囉。香港有高登仔政治,而游蕙禎同梁頌恆得以上台,無高登過去多年為 海盜黨 政治鋪平道路,點可能有今日嘅局面。

講番好多人頂唔住嘅支那事件,對於好多對歷史無知嘅人,一聽到支那就只會好武斷諗到種族歧視,但喺 海盜黨 政治嘅年代,會同時問幾個問題:

1. 支那 如果係用嚟侮辱特定政權,點解唔用得(Refucking People of Chi-na,好明顯針對中華人民共和國,中華民國不受影響,除非你黨國不分)

2. 馬恩國嘅fxxking Chinese,明顯係國籍歧視,點解佢無事。

3. 點解一定要宣誓效忠個別政權?

4. 支那呢兩個字歷史源遠流長,點解唔用得?

5. 喺歐洲,真係大家有共識禁止嘅言論,係否認納粹屠殺猶太人言論,如果照呢個邏輯,係咪否認一九八九年北京大屠殺嘅言論,至係要考慮禁止?(當然,歐洲 海盜黨 未必個個贊成禁止納粹否認屠殺猶太人言論)

我可以咁講,香港日後發展,只會更走向歐陸,甚至 海盜黨 嘅政治方式,特別主流政客全部都係廢柴嘅時候。正如冰島出現 海盜黨 執政嘅背景,就係冰島政客不分朝野都收埋財產喺BVI度一樣。今天民主黨同民建聯,都受到年青一代鄙視,呢個就係佢地支持游蕙禎、梁頌恆不惜一切硬撐到底嘅理由。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *