游蕙禎 梁頌恆宣誓之戰:土共議術失敗

我以為今日今日 游蕙禎 同梁頌恆,要搞到立法會開修羅模式至可以進入會場,點知最後結果係,立法會保安無人有種武力驅逐 游蕙禎 同梁頌恆(班保安好清楚自己會犯法,不過陳維安出咗犯法通告,呢條仆街活罪難饒),梁君彥無計可施,因為佢必須監誓,最後暫停會議。




游蕙禎
游蕙禎

由喺呢度,到喺新加坡《聯合早報》,我一直寸土共唔識議術。唔識議術嘅根本,係唔識英國歷史。

英國係只要你議員肯宣誓效忠英國君主,保證有得入議會講嘢,就算唔宣誓,英國政府都唔敢郁你個議席,因為英國嘅國會至上憲政邏輯,係用武力打返嚟。英國國會啲議員,可以勇武到組織軍隊對付國王,查理一世就係死喺由克倫威爾領導嘅議會軍手上。所以英國所有嘢都以皇室之名而行,但實際話事係民選國會。

所以西敏寺體制下,議員進入議會議政係絕對權利,除非你拒絕效忠君主,否則你喺誓詞上加料都無人吹你脹,Dennis Skinner玩得最叻,可能遲吓Father of the Parliament就係Dennis Skinner,就係呢個緣故。土共係議術上,但零工具可以阻止港獨議員就任,唯一下場就係無限loop,loop到hang機為止。

如果張曉明仲唔識尊重議會,香港遲早會爆發大革命。啲人話 游蕙禎 梁頌恆小學雞,我唔係咁睇,歐洲歷史好多場大惡鬥都係由一啲睇落小學雞嘅事開始。呢一點,讀多啲西方歷史再講。

就歷史位置而言,梁君彥唯一可以做係幫人監誓,否則有可能促成First Deil of Hong Kong,就係你閣下,你自己諗清楚,全香港等緊你做變相港獨之父。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *