恆基 喺紅磡北部(老龍坑)有幾大塊地

昨天都講過,何文田站明星喺原本叫老龍坑嘅紅磡北部,都要叫何文田站,懷疑涉及同 恆基 嘅利益輸送。問題係, 恆基 要落咗幾多釘,有幾大嘅地皮,至值得去同政府搞利益輸送。畢竟蝕本生意,無人想做。

根據 恆基 年報,再比照地政總署地圖,就知係乜概念




恆基
恆基

以上地圖中標明紅色嘅地區,就係 恆基 擁有八成以上業權嘅樓宇,大家都知強拍法律,而果啲唐樓全部都強拍得,或者 恆基 根本擁有全數業權。大家由以上地圖格局已經睇到,根本 恆基 喺想喺紅磡北部搞一個中型屋苑。如果呢個計劃真係咁行,至少黃埔街、寶其利街、機利士南街一帶景觀全改,以何文田站上蓋都過百億價值計算,由於啟德機場唔存在,呢度地積比率認真和味, 恆基 計埋補地價,都幾乎可以肯定賺到傻,只係利潤稍稍唔及喺新界發展啲棕地同丁地。

由於果帶啲舊樓,業權好鬼碎,所以如果 恆基 唔係早收三日風,你俾我都未必敢賭,更何況紅磡傳統係屬於長和系為主。

所以何文田站問題,唔只係山谷道邨重建發展嘅問題咁簡單,仲涉及紅磡北部重建嘅龐大利益,睇住嚟,果幾間殯儀館被人郁只係遲早問題。係唔知幾時,殯儀館要搬到啟德,或者新界唔知乜叉區。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *