根據 基本法 :立法會議員唔係話炒就炒

喺英國,國會議員雖然唔可以辭職(但可以接受一個膠嘅官員,DQ自己),但唔宣誓效忠女皇,理論上可以即日宣告議席懸空,兼罰款五百英鎊。當然,英國政府唔用呢個權力。但英國無成文憲法,所以理論上點玩都得。但香港有成文憲法,立法會議員炒唔炒得,仲係睇《 基本法 》。

大家睇睇《 基本法 》第七十六點條寫




基本法
基本法

第七十九條
香港特別行政區立法會議員如有下列情況之一,由立法會主席宣告其喪失立法會議員的資格:
( 一 ) 因嚴重疾病或其他情況無力履行職務;
( 二 ) 未得到立法會主席的同意,連續三個月不出席會議而無合理解釋者;
( 三 ) 喪失或放棄香港特別行政區永久性居民的身份;
( 四 ) 接受政府的委任而出任公務人員;
( 五 ) 破產或經法庭裁定償還債務而不履行;
( 六 ) 在香港特別行政區區內或區外被判犯有刑事罪行,判處監禁一個月以上,並經立法會出席會議的議員三分之二通過解除其職務;
( 七 ) 行為不檢或違反誓言而經立法會出席會議的議員三分之二通過譴責。

你話梁頌恆、游蕙禎行為不檢,違反誓言乜都好,要三分二議員通過譴責至得,除非熱普城班契弟,或者泛民有大中華膠,企喺政府果邊,否則能夠成功啟動《基本法》第79條機會幾乎係零。

立法會誓詞係根據《宣誓及聲明條例》,問題係,《宣誓及聲明條例》佢仲低過《 基本法 》,以往香港庶近無成文憲法,《英皇制誥》同《皇室訓令》都係寫個大綱,唔寫得咁仔細,就可以齋憑《宣誓及聲明條例》DQ人,依家?你發夢無咁早。

叫土共死咗條心,想人大釋法,咁樣更加唔可以永續《 基本法 》,唯一選擇就係獨立。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *