熱普城 窮得只剩下議席背後嘅實利

青年新政兩位議員嘅宣誓問題,變成一場土共抽水嘅政治危機。對於大中華民族主義嘅泛民,佢地都尚會出聲。對於尚且自稱激進嘅 熱普城 ,黃毓民台灣讀書嘅,應當知道鄭南榕為咗捍衛台灣百分百言論自由而自焚死。青年新政實際係捍衛香港人嘅言論自由,唔通要搞到個個學 ViuTV 咁玩滅聲, 熱普城 正路應該聲援青年新政至係。

但睇睇陳雲




熱普城
熱普城

熱普城 選擇係乜,加入土共行列,叫青年新政辭職,仲講埋以下呢句話

故此,我之前勸告青年新政的兩位小青年,辭職了事,本來不是你們的位子,就交出來吧,不要卡在中間擋路。

呢句嘢充分反映 熱普城 嘅反民主本質。

乜嘢叫本來不是你們的位子,游蕙禎同梁頌恆,都係經一人一票普選選出嘅議員,黃毓民同陳雲喺選舉中落敗,就係代表佢地不獲人民授權,呢個世界啲議席奉旨係屬於黃毓民同陳雲架?咁 熱普城 呢堆政棍嘅思維方式同土共有乜分別?

而且依家可以咁樣為宣誓問題設下言論禁區,遲吓係唔係所有要求追究一九八九年北京大屠殺責任嘅議員,都要攞去炒魷?係唔係香港議員,事必要效忠中華人民共和國呢個垃圾政權?

我個人認為,要防止誓詞加料唯一方法,係恢復1985年立法局嘅誓詞文本,唯一改變係由「局」變「會」

熱普城
熱普城

本人,XXX,謹此宣誓:本人必定維護香港法律,並且必定以立法會議員身份,衷誠而確實為香港市民效力,此誓。

熱普城 好想透過補選攞到議席,叫呢班友返去仆街,佢敢出嚟選,大家最好搞到黃毓民同陳雲連保證金都攞唔到。為咗做議員,連捍衛香港言論自由責任都唔負。如果唔係誓詞侷人效忠中華人民共和國,邊個咁得閒喺誓詞加料。況且,黃毓民自己都誓詞加過料喇。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *