柔佛 獨立:大馬真正嘅問題

對南洋人嚟講,泰國王位大亂鬥固然係亂源,但喺泰國南部好可能亂過亂世佳人果陣, 柔佛 獨立,就令件事隨時更火上加油。




柔佛
柔佛

馬來西亞統治者理事會,本來按慣例,應該推舉輪流嘅吉蘭丹州蘇丹擔任馬來西亞國家元首,但突然理事會一致推舉 柔佛 州蘇丹擔任國家元首,喺 柔佛 蘇丹婉拒後,至回歸傳統,由吉蘭丹州蘇丹接任。

統治者理事會咁玩,有兩個原因,一方面要測試一下 柔佛 係唔係去意已決。如果 柔佛 州蘇丹未想離開,會接任元首呢個位。而由於 柔佛 蘇丹相對強勢同開明,對壓住首相納吉亂嚟,亦有積極作用。所以統治者理事會,藉選國家元首嚟評估未來局勢。

依家好明顯,想走新加坡共和國之路嘅 柔佛 蘇丹去意已決,好可能多次揚言搞柔獨嘅王儲一上任, 柔佛 就會離開。其實新加坡依家檢討總統制,亦係為未來柔-新合邦做準備,新加坡可能變成同 柔佛 共享組成Personal Union嘅蘇丹國,維持多種族世俗體系,但請 柔佛 蘇丹做君主。 咁樣,新加坡就可以輔助呢個新國家嘅發展,例如組織類似新-汶貨幣同盟一樣嘅共同貨幣政策。

但柔佛一走,大馬肯定瓦解,檳城、馬六甲呢啲前直屬英國嘅殖民地,可能獨立,或者尋求加入新-柔同盟,雪蘭莪亦可能獨立,但吉隆坡同布城點處理,就變得奇膠無比。而大馬北部,更好可能同泰國南部亂埋一堆,IS喺馬共出沒過嘅森林出現都好可怕。

天下大亂,至啱啱開始




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

One thought on “柔佛 獨立:大馬真正嘅問題

發表迴響

你的電子郵件位址並不會被公開。 必要欄位標記為 *