泰王 駕崩

相信全世界最震撼消息,唔係 Bob Dylan攞諾貝爾文學獎,而係 泰王 拉瑪九世 駕崩。




泰王
泰王

泰國嘅君主立憲政體,其實唔係一個完整嘅君主立憲政體, 泰王 拉瑪九世 喺泰國軍人干預下搞到亂七八糟嘅君主立憲體制下,以調解者,甚至「造王者」身份,掌握全國最高權力。基本上,任何民選政府或軍政府無王室支持,都可以返屋企早抖。因此, 泰王 拉瑪九世係一個有實權嘅國王。呢啲有實權國王一死,就會搞出好多麻煩。

雖然首相話由王儲哇集拉隆功繼位,但王儲嘅作風,以至民望都唔係去到可以繼位嘅水平,而最有民望嘅詩琳通公主,偏偏係親華親到無人放心嘅地步(係泰國王室少數能運用流利華語嘅成員,民望僅次於 泰王 拉瑪九世,以及王后)。王位繼承問題會唔會搞出一連串政變,甚至內戰,無人知。仲要未計泰國南部馬來半島地區嘅森林,北大年府一帶回教教眾嘅亂事。

最大鑊,依家王儲哇集拉隆功根本係親他信,軍方唔想他信返嚟,加上軍方親契丹,會否擁立詩琳通公主,同他信-哇集拉隆功聯盟對抗,呢啲嘢,非常難講。

泰王 駕崩,好可能係中南半島加馬來半島大亂局嘅開始。特別契丹政府介入泰國政府極深,第一個洩漏 泰王 死訊係契丹官方新華通訊社,係咪有國安人員故意借新華通訊社放料,根本無人知。

南洋嘅大亂,一切只係序幕。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *