游蕙禎 嘅玩法:歐陸政治玩法登陸香港嘅年代

無論你認唔認同 游蕙禎 ,無可否認, 游蕙禎 係最搏得國際soundbite嘅香港國會議員之一,佢同羅冠聰,幾乎包攬近日國際傳媒嘅注意目光。




游蕙禎
游蕙禎

好多老人家,包括玩法old-fashioned嘅熱普城中人,都未必認同 游蕙禎 嘅玩法,但對於熟悉歐陸政治嘅人, 游蕙禎 無歐陸派背景,但能夠一次又一次用歐美傳媒能夠熟悉,同明白嘅語言,將香港獨立嘅年青人帶上國際舞台,係大出乎我意料之外。大家數吓, 游蕙禎 嘅戰績:

1. 扑嘢論:上TIME, 仲要新加坡人民行動黨嘅內閣成員回應,話唔駛太大地方做愛,結果令人民行動黨喺當地被人鬧爆。戰火燒到到南洋,連我都滴汗。(你諗吓,扑嘢論原本audience係香港語文嘅聽眾,無英文架)

2. Hong Kong is not China 嘅信息帶入國際傳媒

3. 香港立法會宣誓嘅荒謬,同樣帶入國際傳媒。

但 游蕙禎 成功,因為香港年青人果套,其實同歐陸,甚至歐美接軌,我由上述三件事,連繫番歐美發生嘅事,大家就明。

1. 扑嘢論雖然原裝係香港語,但邏輯係英文嚟,大家留意美國版 Cosmopolitan,差不多期期封面有一條題同Sex有關,香港Cosmopolitan已經被視為極度保守。大家留意,Cosmopolitan係女人雜誌,喺西方, 游蕙禎 公開講扑嘢係正常,而且可以好容易令西方人有興趣同明白個議題本身。當然,燒到南洋,係因為本來新加坡政府都成日講生育問題,我喺聯合早報提過偉哥津貼,呢啲黐線主張,喺香港係無報紙同你討論。

2. Hong Kong is not China係抄自加泰隆尼亞獨立運動嘅Catalan is not Spain,歐洲人一睇就明乜事。你熱普城班友成班大中華膠,梗係唔明。

3. 喺宣誓捉英文字蚤玩膠,根本係歐美人士最愛,你國會議員唔識玩膠唔該收檔。

依家香港有班新國會議員,已經用緊歐陸嘅玩法,你梁耀忠就連哈姆雷特提及嘅基本命題 to be not to be都未諗清楚。咁大家明點解,大家對新人拍爛手掌,但對泛民啲老人,就人人喊打。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *