麥明詩 講都係英國人嘅政治常識

游蕙禎「扑嘢論」技驚四座,好多人都頂唔住。但劍橋出嚟嘅港姐冠軍 麥明詩 ,就明撐游蕙禎。




麥明詩
麥明詩

麥明詩 卸任港姐,同埋無咗林作壓力後,講嘢似番一個英國人會講。其實 麥明詩 講都係英國嘅政治常識。

英國好多牛劍出身嘅口臭政客,外相Boris Johnson就係牛津大學出身(講失言,阿水都唔會贏有張全球道歉清單嘅Boris Johnson,仲要佢做緊外相 XDDDD ),英國好多小報,唔少高層都係牛劍出身,好似2013年太陽報嘅執行編輯Stig Abell,就係劍橋出身,更加唔好講The Sun嘅老闆梅鐸,梅鐸雖然係澳洲人,但亦都係牛津大學校友嚟。好多香港人由殖民地統治見到,係英國人階級重果一面,呢個係英國人為統治需要故意俾你睇,但好少人見到英國人馬其維利主義者嘅一面。政客要有學識,但如果一針見血,率直而論,亦不妨訴諸「一定程度嘅市井」。The Sun一定係市井到爆嘅小報,但成班牛劍人,不單可以充分運用市井語言,仲可以用嚟做政治武器,試問英國政界邊個敢得罪The Sun?英國精英就係可以按需要調校自己嘅語言粗鄙度。

(補記:SCMP人,一向敬重曾經喺The Sun做過嘅編輯記者,因為同佢地交手,無論語言定報導技巧運用之純熟,The Sun係英國銷量第一有佢理由。)

就算係新加坡,人民行動黨都要求黨員要掌握「咖啡館語言」,乜嘢叫「咖啡館語言」,就係你要充分運用群眾嘅語言解釋主張,否則你返去早抖。政治市場學,就係這樣一回事。

游蕙禎「扑嘢論」可能嚇親唔少保守香港人,但大家會留意她嘅主張,唔係同場鄭松泰果啲永續基本法歪理,或者劉小麗再一次講全民退保。「扑嘢論」再引申房屋、入境等政策討論,本土派嘅主張就入咗屋,雖然會輸師奶票。但睇CCTVB嘅人,有幾多會投游小姐一票?

香港人最缺,係西敏寺體制下嘅政治常識。

後話:政客入埋電視劇,都係英美政治傳統。又講番外相Boris Johnson,佢最入屋唔係Daily Telegraph嘅專欄,或同系雜誌The Spectator嘅專欄,而係喺BBC 派膠無獎問答節目《Have I got the news for you》做嘉賓,甚至主持嘅表現。游小姐係無從政經驗,但喺政治市場推廣嘅手法,佢反而暗合英國傳統政客玩法。講真,泛民甚至熱普城嘅政治市場推廣手法,我識條鐵。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *