黃之鋒 泰國被扣:極其複雜事情發生中

黃之鋒 喺泰國被無理扣留,係今日最大嘅新聞。作為一個南洋人,對泰國政府居然夠膽亂扣人感到非常擔憂。我個人相信, 黃之鋒 事件反映咗,泰國政局喺泰王拉瑪九世(鄭固)一死,就應該步入內戰衰亡之局。

黃之鋒
黃之鋒




泰王國係一個喺強國夾縫中生存嘅國家,由拉瑪四世到拉瑪九世都係咁,泰王國會適當時候,向不同嘅強國讓利,例如仍然宣稱姓鄭,以利得到大清帝國支持(泰王國係大清帝國朝貢系統成員),割讓領土俾英法,換取一定程度嘅國家獨立。只有二次大戰果陣,泰國出現自己老豆姓吳,但走去玩排華嘅鑾披汶·頌堪政權,果陣至出現一面倒親日嘅狀況(泰國同意大利好似,因為人民政變推翻個黐咗線政府投向盟國,所以賠償唔大)。

所以泰國政府一般嚟講,唔俾黃之鋒入境唔奇,但唔會扣留佢,因為呢著一定得罪英美政府,越南、緬甸勁親英美情況下,無著數。如果計埋瑞典公民桂民海喺泰國政府協助下送返去中國,如果連 黃之鋒 都夠薑咁扣留, 黃之鋒 唔係桂民海, 黃之鋒 喺西方係icon人物嚟,泰國政府會玩出膠。除非泰國依家呢個政權,同大馬納吉政權一樣,完全靠中國政府一力維持。

依家未知 黃之鋒 有無持BN(O)進入泰國,如果 黃之鋒 係持BN(O)入境,英國政府就有權力直接介入,屆時就更複雜。但無論如何,泰國政府呢個政權本身都黐咗線,泰國曼谷人專權嘅日子係唔可能持久,依家拉瑪九世完全押注喺中國身上,簡直係蠢過不堪,相信拉瑪九世一死,泰國更唔知乜世界。

後話:我寫完呢篇後,我相信喺拉瑪九世仍然在位期間,我都唔會去泰王國。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *