洗頭艇已備 成報 擺明係中紀委出嚟撐

成報 狂炮轟梁振英同張曉明,大家有一個懸念係, 成報 係唔係咁把炮,得到習近平力挺。如果習系力挺,統監府班友無理由咁夠薑可以回番炮俾 成報。

但大家睇完最新一期《中國紀檢監察》,大家不單只可以相信 成報 係習系人馬,而且中紀委已經準備好晒洗頭艇,如果我係梁振英,會考慮幾時著草嘅問題。




成報
成報

最新一期《中國紀檢監察》半月刊,有篇由新華社吳黎明所寫嘅《中國共產黨正風反腐的世界回響》,其中有以下段落。

「習的反腐行動擊中明顯目標」——這是英國《金融時報》在周永康被開除黨籍後的一個論斷;「這打破‘刑不上常委’,證明反貪反腐絕不姑息」——這是香港《成報》的評論。隨著令計劃的落網,新加坡《聯合早報》認為中共「向中國官場搞幫派、搞山頭主義的惡習開刀」。總之,反腐敗已成常態,外媒總結為「力度不減」「手段愈發老練」。

原文鏈結:http://zgjjjc.ccdi.gov.cn/bqml/bqxx/201609/t20160929_87404.html

中紀委嘅官方雜誌咁樣引用 成報 ,仲要引用果句,就係打破「刑不上常委」原則,即係北京果隻洗頭艇,唔只為梁振英同張曉明預備,更係為呢兩條友嘅後台預備,董建華、張德江等一干人等隨時喺中共十八大六中全會後game over。

我諗梁振英對中共都有番咁上下熟悉,佢應該知道佢呢鑊得罪咗乜人,我真係唔知佢邊度嚟嘅豹子膽,出律師信俾《蘋果日報》宣布連任。我諗《 成報 》依家都未收到律師信,因為睇怕律師信未發,洗頭艇已經喺佢門口出現咗。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *