黃毓民 知唔知政治倫理為何物?

今年立法會有個怪現象,就係個議助把炮過議員本身,好似羅冠聰嘅助理黃之鋒,梁頌恆個助理梁天琦,但最爆係鄭松泰助理將會係 黃毓民 。

黃之鋒、梁天琦做助理係為勢所迫,但 黃毓民 做助理,完全不知廉恥,兼毫無政治倫理可言。




黃毓民
黃毓民

1. 梁頌恆必須要請梁天琦做議員助理,因為本來應該做議員果個叫梁天琦,係香港政府用狗招DQ咗佢。梁頌恆唔請梁天琦做議員助理,恐怕至係有違政治倫理。梁頌恆擺明係影武者,影武者大部分時間都唔會越過主公做決定。新界東選民,亦好清楚自己投梁頌恆,實際上係投梁天琦。

2. 黃之鋒因為太年青,唔合符香港古老石山選舉法例,無法做候選人,否則做議員果個就係佢。所以佢情況,係同梁天琦相類,佢做議員助理,都係無奈。如果今年黃之鋒可以出馬,相信香港眾志唔駛等到雷動計劃,就已經可以穩獲議席,收脫逃蘭皮。

3. 黃毓民 今年喺九龍西落敗,表明已經不獲選民授權,不獲選民授權就唔該下屆請早,依家過新界西做議助,想玩老人政治?如果熱普城覺得教主必須係議員,唔該鄭松泰辭職,由 黃毓民 出戰重新尋求授權,唔係走去做影武者議員。一個落敗者咁樣做影武者,幾乎係香港政治史上最核突嘅一次。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *