法輪功 十一大遊行,張曉明氣數已盡?

法輪功 每逢中共有乜大時大節,例牌喺香港遊行以示抗議,呢個幾乎係慣例,只不過,今年十月一日 法輪功 遊行 嘅規模,以及差佬嘅反應,至係最為有趣嘅地方。




法輪功 十一大遊行
法輪功 十一大遊行

1. 法輪功 今年十月一日遊行規模大到,幾乎係去到泛民遊行嘅級數, 法輪功 夠薑如此晒冷,喺香港展示實力,已經係罕見, 法輪功 一直喺香港係積弱,呢個係人所共知嘅事實。

2. 通常有 法輪功 活動,都會有青年關愛協會班仆街搗亂,但近年青年關愛協會實力已經不大如前,好多收維穩費搞事嘅都消失咗,今日簡直喺港島唔見呢班友嘅身影。

3. 但最有趣係差佬,一般嚟講,差佬同 法輪功 關係唔錯,但又唔叫十分重視嘅地步。但今年,我喺行人路聽到個白恤衫同佢啲同事傾偈講:「今日呢班貴賓嚟,日後隨時呢班友揸旗,大家識做。」

如果梁振英以為警察企喺佢果邊,我諗佢同張曉明都太天真, 法輪功 夠薑喺香港大規模展示實力,而警察今日表現極為專業有禮嚟睇,江系喺香港嘅實質控制權仲剩番幾多,我持懷疑態度。呢個或者解釋到,點解梁振英唔敢告《成報》嘅原因。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *