究竟 梁振英 領導緊幾多個項目? 呢個係重要問題

前公務員事務局局長王永平,出席電台訪問果陣,指從來未試過由香港最高領導去領導一個項目,王永平要求 梁振英 交待橫洲事件相關文件,唔好等埋棕地研究。




梁振英
梁振英

梁振英 毫無疑問要交代橫洲所有文件,因為阿水都想知佢喺橫洲搞過啲乜,依家連四千定五千個公屋單位都未搞清楚過,如果好似我呢啲咁嘅人,係咁挖落去,遲早會挖出大寶藏出嚟。

但我認為更重要係, 梁振英 究竟領導緊幾多個項目,依家大家只係知道橫洲同皇后山係 梁振英 領軍,咁洪水橋果個,又係邊個領導?係林鄭月娥,係陳茂波,定又係 梁振英 本人?新界東北、元朗南、錦田南、西貢等一大堆項目,果啲task force又係邊個領導,又係唔係 梁振英 ?如果係 梁振英 ,咁果啲地,又同邊間地產商有關?呢啲關鍵問題,公眾全部都想知。因為依家無人相信,純粹只有一個橫洲有問題,我個人傾向相信,自佢上台以嚟,借幫香港人解決住屋問題之名,喺唔同嘅項目都攞足油水,依家涉及都係港資地產商,但我個人更有理由相信,中資其實都有份,只不過未有查出嚟咁解。

依家條街玩到咁鬼黑,邊個信佢。就算 梁振英 落咗台,都要廉政公署設專門小組查落去,我諗香港歷史上最貪嘅最高領導人,非 梁振英 莫屬。曾蔭權爵士都被人叫貪曾,應該點叫梁振英?

後話:依家我需要各位持續資助,完成洪水橋同橫洲嘅地契調查,洪水橋嘅調查,我有信心可以儘早完成,但橫洲果個好複雜,涉及好多地契,而且仲要分辨邊喺係咪鄉紳霸咗,可能涉及買地政總署啲相。

呢啲唔係易打嘅仗,所以敬請支持。而查好咗嘅地契,我會時刻update:

橫洲:橫洲地契清查(有新update自動更新)
洪水橋:洪水橋地契清查(有新update自動更新)




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *