周永康 聯繫英國政界 ,香港尋求自決必須一步

周永康 已經去咗英國讀碩士,佢一到英國就接受BBC中文網訪問,表明會留英期間廣泛聯絡英國政界,呢個肯定包括 英國政府 。(BBC中文網本身就係收FCO Funding架喇)




周永康
周永康

首先,香港人依家喺某方面,同英國政界接觸係有優勢,只要仍然持有BN(O),就可以登記做選民,英國政界人士就要招呼你,呢樣已經好唔同。而BN(O)及其後代嘅前途,確係英國對香港持續承諾一部分, 周永康 光係因呢一點,就要聯絡英國政界人士。

另一方面,香港係有可能需要先歸英再自決,而唔係中國管治下自決,大家參考羅德西亞經驗就明。

羅德西亞喺上世紀六十年代,少數白人拒絕多數黑人選出政府,搞出單方面獨立宣言(UDI),被國際制裁而搞到全膠。最後羅德西亞點樣由羅德西亞變津巴布韋,都係先喺英國主持下舉行各方和談,然後先暫時回歸英國,結束UDI,再步向獨立。英國係願意執呢啲蘇州屎。

而正如林忌喺自由亞洲電台評論節目所講,《南京條約》、《北京條約》未被取消,純粹係用國會無上論,暫時凍結兩條條約,一旦《中英聯合聲明》失效,就會皇室特權下令兩條條約復活。(呢個亦係 Malaysia Act 1963同Hong Kong Act 1985寫法完全唔同嘅原因),始終自決喺英國主持下進行,唔係你想唔想,而係一旦中國崩潰下自決,或者香港人尋求自決造成港中大衝突,最後英國都係要出面,一如當年嘅羅德西亞。

而喺BBC訪問度,亦反映 周永康 知道乜事發生緊

周永康將在倫敦政治經濟學院修讀一年制的城市設計與社會科學碩士課程。他透露有意在畢業後到美國修讀博士學位。

雖然他暫別香港,但並不代表會放棄社運,他會把握機會在英國廣結人脈,積極與英國的政黨、政團聯繫,交流社運心得,並向他們講解香港民主運動的情況。

「英國亦曾經是管治香港的政府,有份創立中英聯合聲明,英國有責任繼續監督、促使中英聯合聲明,真的在香港實踐。 」

呢句話後著係,如果中英聯合聲明真係實踐唔到,英國有責任執手尾。

我個人睇法係,香港自決最終前提,其實係香港先回歸英國。喺英國主持下,決定繼續成為有充分內政自治權海外屬地(一如直布羅陀)、英國本土嘅一部分、好似加拿大、澳洲咁嘅自治領(國際地位上平起平坐,只係同英國共用一個君主,接納《1931年西敏法》)定係成為共和國。

可以肯定係,熱普城嘅永續《基本法》係最為仆街,而且同獨立完全無關嘅一個方案。我同意 周永康 講,公投前要民間自強,自救,其中一個步驟一定係消滅熱普城病毒。

 




月捐計劃




想用Google App,經呢度加入:https://goo.gl/PBroUD
捐款者可以索取八折coupon code,慳更多!

 

發表迴響

你的電子郵件位址並不會被公開。 必要欄位標記為 *