嘲諷 海闊天空 嘅人,從不知建國真義

喺睇我呢我講遮打革命嘅文前,請先聽遮打革命嘅主題曲,日後香港如果係行共和國制,好大機會係國歌嘅《 海闊天空 》。




《 海闊天空 》當政治或革命歌曲使用,甚至係香港國歌使用,呢個係我提出港獨呢個睇法果陣,已經係咁講。《 海闊天空 》終成香港一代革命之歌,因為面對龐大嘅中國殖民強權,爭取民主與爭取獨立實質無異,而道路將會係艱辛漫長,如果香港人無坂本龍馬嘅好運氣,香港擁有自己嘅國體將係一條漫長嘅不歸路。《 海闊天空 》係呢段漫長道路嘅預言,亦係日後子孫必須要銘記嘅事,否則國不成國。

喺遮打革命後,《 海闊天空 》,就算唔作為國歌,作為提振香港不同種族嘅共同文化資本,都係有必要繼續傳唱落去,唔係好似黃毓民、黃洋達呢啲人渣,隨便誣蔑呢首歌。《 海闊天空 》係有日文版本(遥かなる夢に),唔少日本學校係有教學生唱,亦因為呢個緣故,喺爭取日本支持香港上,《 海闊天空 》係好有意思。日本年青人聽到呢首歌另一個國家語文版本,但另一個國家嘅人,亦係日本脫亞入歐歷史其中一個發源地嘅人,係唱住嚟對抗軍警催淚彈,已經係另一個故事。《 海闊天空 》正正係香港人勇武不屈嘅表現,呢個係無庸置疑。




日本傳唱版本

而且除咗日本、香港兩國,另一個香港語文主要流通國家,南洋嘅馬來西亞,《 海闊天空 》亦係當地對抗納吉政權嘅象徵,而且獲主要使用英語印度裔人,同馬來文嘅馬來裔人接受,《 海闊天空 》既然可以港、日兩語,亦可以有華、巫、英,甚至香港主要盟國台灣嘅台語版本。就算唔成為國家,呢個將會係香港爭取國際支持嘅重大資產,豈容熱普城呢啲假貨隨便抹黑。

香港旗
香港旗

講建國,一個新國家嘅立國文化,面對嘅鬥爭,要點樣生存,全部都要有通盤考慮。所以我提出用1997年前香港旗,提倡香港行君主立憲西敏體制(加拿大、澳洲一樣奉聯合王國國君為主固然好,如果搞唔掂,有必要時奉請有日本同大清皇族血統愛新覺羅.嫮生,喺香港恢復大清皇室,亦未嘗不可),考慮萬山群島等問題。呢啲方面,其實我係向南洋過往搞反殖鬥爭嘅長輩所學習。新加坡共和國成為一個不問出身,只問能力嘅多種族國家,新加坡係有明確理想去建立,香港亦然。

我鄙視熱普城,因為呢班友搞只係一堆龍門亂搬,非驢非馬嘅邪教。對於本民前,青年新政,香港眾志都好,我認為佢地喺未來嘅新國家上,係殊途同歸。我呢個獨派,我唯一絕不會endorse就係熱普城呢班A貨,由佢地去「建國」,成為義和拳翻版,香港唔變非洲fail state就怪。

後話:就算梁天琦唔喺香港出世,對香港呢個新興國家而言,絕不相干。美國立國先賢(founding father)之一Thomas Paine,係英國人嚟,曾經參與美、法兩國革命,唔識法文,但法國國會議員都做過,拉法葉候爵(Gilbert du Motier, Marquis de La Fayette),不單參與美國獨立戰爭,後來參與法國革命,跟住成為美國公民。香港民族嘅概念,其實我係想參照美國。所以陳雲果套恢復華夏,小弟恕難認同,一旦無可奈何恢復清室亦必為權宜之舉,況且有滿洲國前例後,清室亦有日本色彩。

對我而言,游走香港、台灣、新加坡等國之間,我學習亦係Thomas Paine。




月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *