發叔連 橫洲 都有份?要全 橫洲 所有地查一次!

曾樹和管理果堆土地背後乜水,好多人都想查,包括我,不過我就財力唔夠,因為果堆土地,有大量DD同Lot,仲有RP,計埋Company Search,埋單勁過BNO密件果二百三十頁文件(係做咗page check)。不過,《蘋果日報》發現,曾樹和只不過係 橫洲 代理人,背後涉及大批傳統家族,甚至發叔!




橫洲-發叔
橫洲-發叔

如果係咁,成個 橫洲 唔同棕土嘅業權,係要一次重大清查,因為唔查係唔知道究竟有幾多利益。蘋果日報呢次調查結果,應該係好初步,已經掘咗發叔出嚟,如果可以持續查落去,相信點只掘發叔出嚟,甚至新世界喺 橫洲 更多利益,都可以順藤摸瓜摸出嚟,甚至整理出一個 橫洲 勢力地圖出嚟,呢個發現係比以往啲棕土數據都有用得多。

橫洲 風暴要結束,睇嚟有排㗎,依家只不過係開始。如果大家想我去查埋一份,可以資助小弟,反正小弟已經用熟地政總署套系統,應該可以查得快好多。

我會由曾樹和勢力範圍,同新世界豪宅盤嘅DD122開始。




月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *