能否止咳?

很明顯,中國中央政府發現現時局勢嚴重,如果不擺平貴州事變的民怨,結果勢必膠到無朋友,因此罕有地儘速炒掉了甕安縣常委和公安局長平息民憤,並承認當地政府在處理很多社會問題上濫用職權,胡作非為。

認了錯,或許能止一陣咳,但長遠怎辦?如果只是這次止了咳,但沒有其他跟進,結果全國民眾認為要訴求受重視,非玩鋪勁不可,那就不用說,勢必人人玩鋪玩勁,一樣玩完。

現時當前老共最能止咳的一招,那是至低限度,保證民眾上訪免遭打擊報復的權力,特別赴京上訪,近年有些訪民上京被截訪,被地方政府綁回老家這些膠到無朋友的事太多了。這是保證最低限度的舒壓閥得到運用,好讓老共有時間由開放報禁開始,逐步將政治改革搞上去。當然有關政令,能否在地方落實也是另一個問題。而現時民眾還信不信你共產黨,更是問題中的問題。

記著,中國在暴力革命邊緣徘徊。而不守命令的地方官一街都係,再來膠嘢中共就係咁先。

4 thoughts on “能否止咳?

  1. 大膽講….64後, 已經無人信共產主義!!

    你爸爸親手殺死你兄弟姐妹, 你還信他?

    現在, 大陸人只當共產黨是老板!
    無工開, 無糧出….. 重要報警比公安打, 收地無$$賠….

    毛主席時代, 無飯開可以講感情……
    現在經濟差, 共產黨好快死!

  2. 上訪比綁回老家, 報警又比公安打…..

    炒掉縣常委,公安局長…有叉用?
    將來收地一樣無$$賠, 強姦民女一樣無罪釋放!!

    唔打獲金你, 當我流架!

    中國人唔係東亞病夫!!!

  3. martin 兄, 我諗而家就算中共中央想開放報禁都未必趕得切. 因為就算中央開放, 地方會點? 你報地方0既問題, 地方一樣要拉要鎖, 要到地方都改善, 時間太長囉. 以而家0既情況, 一個唔好彩有三個不同0既省同時發生好似貴州咁0既事老共就必定玩完啦. 大家都諗到短期內發生呢樣野0既可能性並唔係真係咁低啦

發表迴響

你的電子郵件位址並不會被公開。 必要欄位標記為 *