熱普城 要向馬共學習?

大家見小弟一直無點郁陳雲,因為本來念及大家同為南洋出身學者,無謂郁佢。只不過,陳雲,以至 熱普城 近日啲行事手法,已經同佢自己筆下嘅馬共無異,我覺得到出聲嘅時候。

陳雲係咁評《李光耀回憶錄》(2010年)

至於造假,最明顯的是群眾大會,李說「他們是出色的舞台監督」演講者在上面演講,下面安插了鼓掌員和歡呼員,以機械性的時間和節奏,鼓動民眾情緒。遇到黨外的人演講,不論口才多好,只要偏離共黨路線,台下的鼓掌員和歡呼員便裝出冷落模樣,發出尖叫和噓聲,塑造群眾反應。這種技巧只能蒙蔽下層民眾,卻令受過教養的人反感,恥與為伍。




熱普城-1




喺2047年地契問題上,最能反映 熱普城 向馬共學習嘅技倆:

1. 2047年地契問題,姚松炎最早跟,而且論學術專攻,佢至係專家,佢係測量界別嘅功能組別代表, 熱普城 應該睇姚松炎教授有何可學習之處,觀摩算數,但班友夠薑話姚松炎抄人,一堆人亂咁洗板,你同馬共班友喺新加坡嘅作為有乜分別。

2. 陳雲講嘅fact根本係食砒霜杜老虎,明明係立法會本地立法可以做嘅事,要搞到修改憲法。你試吓限奶令要寫入《基本法》,你睇吓有無人話你黐線?姚松炎係呼籲早日本地立法,以清晰立法消除市場疑慮,呢個係皇道做法,但 熱普城 竟然用嚟呃票,呢個就係馬共果挺粗野、造假而且毫無底線。

點解社會有識之士都憎 熱普城 ,你估個個都係私怨?如果 熱普城 行事係似鄭松泰博士咁行番正道,依家邊個得閒出嚟鬧爆你,係都郁咗梁振英先。實際上, 熱普城 變馬共翻版嘅時候,唔郁都唔得。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *