點解新界黑社會要死亡威嚇 朱凱迪

朱凱迪 高票當選立法會議員後,照計尊貴嘅立法會議員無人敢郁,但事實剛好相反,新界黑社會出江湖暗花要買起佢成家, 朱凱迪 有家歸不得。

朱凱迪-1

新界班黑社會至所咁夠薑,因為 朱凱迪 手持嘅套丁證據,將會隨住佢成為立法會議員,同埋喺立法會會議嘅言論而曝光。

不得因任何議員曾在立法會或任何委員會席前發表言論,或在提交立法會或委員會的報告書中 發表的言論,或因他曾以呈請書、條例草案、決議、動議或其他方式提出的事項而對他提起民事或 刑事法律程序。

根據《立法會(權力及特權)條例》第4條,香港嘅立法會議員擁有英國國會議員一樣嘅特權,就係喺議會上任講無人追究到佢,而議員喺議事錄上講嘅嘢,法院好多時會接納為證據,如果律政司唔就套丁做嘢,而有人用私人傳票檢控,再引用朱凱迪手上喺立法會爆嘅料,呢班友仲唔全部洗定八月十五?所以,喺過百億利益在前,至有人無恥無人性到出江湖暗花,要買起 朱凱迪 全家。而我對香港警察會否做嘢好懷疑,香港政治腐敗到同馬來西亞差唔多嘅時候。

以往大家期望議員善用呢項權力,但問題係無幾個堅做到(包括黃毓民都做唔到),依家 朱凱迪 會堅做,咁仲唔會引嚟江湖暗花?

所以小弟喺商台舊同事卓韻芝,建議不如眾籌俾 朱凱迪 做保安經費,我覺得係好建議,因為實在太黐線。大家要捐保安經費俾 朱凱迪 ,唔好經我,請經 朱凱迪 個page直捐,唔好過一千蚊,一千蚊以上要申報。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *