雷動計劃 是與非

雷動計劃 應該係香港政治史上最具爭議性嘅配票系統,雖然民進黨等成熟政黨都有配票系統,但人人都係大佬,甚至有啲長輩亂咁講「三分顏色上大紅」嘅情況下, 雷動計劃 引泛民政客憎,係好自然。

雷動計劃-1

以執行論, 雷動計劃 好多漏洞係一定,始終第一次使用,呢個計劃好具實驗性。但呢個計劃用Telegram,而且蒐集大量數據,就算熱普城班一堆「益友」搗亂(今晚再探討改咗名做走數達嘅仇思達呢條仆街),由於抽樣數字夠大,實在影響唔大。

不過, 雷動計劃 之所以出現,起因仍係泛民一堆on9,唔肯搞初選,個個以為自己好掂,亂咁報名,今次直選19席,區議會11席,取得接近過半數議席,算泛民加本土陣營好運。既然無法阻止無自知之明嘅on9參選,只好用數據迫到你班友承認自己唔夠料,事實上,雷動計劃有三大貢獻:

1. 超級區議會:踢走一堆無自知之明嘅on9,所以熱普城點出賣民主,幫周浩鼎助選都失敗。

2. 九西:由於 雷動計劃 計算恰當,加上游蕙禎被 雷動計劃 接受,令九西出現破天荒泛民佔三分二議席局面。熱普城成日搗亂 雷動計劃 ,呢次班hihi求仁得仁。

3. 新東:持續令新東嘅排名盡量優化。

本來泛民喺 雷動計劃 下可以贏多啲,但人民力量同社民連不自量力,結果令唔少泛民票射落海,民協都係,否則九東同新西有機會擴大戰果,至選民唔會因為處於沙漠選區,被迫將票集中喺朱凱迪度。

雖然長毛、張昭雄重新入局,但工黨、民協、社民連同人民力量不作反省,亦唔願加入泛民初選機構嘅話,下次照樣俾雷劈。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

One thought on “雷動計劃 是與非

發表迴響

你的電子郵件位址並不會被公開。 必要欄位標記為 *