青年新政被 成報 點名係鬼?另類拉票

成報 老闆被深圳市公安局點名話係被通緝人物,完全唔阻佢間報館發功拆爛統監府喺香港嘅管治機器。今日又用評論文章發功,話青年新政同本土民主前線係鬼。

當然,小弟知道呢兩個組織嘅人物來龍去脈,呢兩個組織混入統監府嘅人,我唔排除,只不過, 成報 幫佢地另類拉票,就更加詭異。






成報-3

1. 中共一般聯繫佢地啲鬼,手法叫單線聯繫,如果青政同本土民主前線係同一幫人,理論上,應該一早匯流,但實情係,本土民主前線固然一直窮到燶,人都換咗三四代(依家本民前係三代目嚟,一、二代目全部退隱晒,因為要搵食),青年新政根本同本民前無乜聯繫,直至新界東大選前。

2. 如果係堅中共嘅人,特別689嘅人,唔會咁揚用中銀(香港)戶口,係都其他中國國企大行或細行,實情係,中銀(香港)因為要吸錢,充實資本,開戶口最鬆手,一如東亞銀行,變咗幾個本土派政團來往銀行一樣,因為東亞銀行要充實資本到要賣鋪,我仲理鬼開戶果個叫乜水。唔係太出名都算X數。如果講係鬼,你不如講本土新聞,同新民主同盟用東亞銀行都係鬼。(咁本土新聞本來係熱普城系統,但最近割咗𥱊)

3. 真係掀起港獨波瀾,唔係青年新政,唔係本土民主前線,唔係民族黨,最初玩膠個場係黃毓民,但 成報 對黃毓民隻字不提。

4. 喺中共規矩,任何人見過達賴喇嘛,都唔會係佢地嘅人,而本民前嘅黃台仰同梁天琦,正係有呢個背景,你見過熱普城班粉腸見達賴喇嘛未?

正如任亮憲講,原來阿爺嘅人係邊個,其實呼之欲出。青政、本民前應該係後來堅玩港獨嘅真心膠嚟,但本來幫梁振英點火果位,你諗清楚個timeline,你知係邊個。






捐款:
Citibank Hong Kong: 14830515
恆生銀行:395-158777-882
Bitcoin:1PTHjBPuciq5JS8MBo9cUVVr7orSaU1AuV
Paypal: https://paypal.me/martinoei

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!





發表迴響

你的電子郵件位址並不會被公開。 必要欄位標記為 *