棄保 執位後,應如何投票

喺9月2日,出現香港選舉史上未曾有嘅 棄保 大執位,一共有五位候選人自己停止選舉工程,香港島嘅司馬文更加直接推薦香港眾志嘅羅冠聰。由於呢個大變局,加上小弟一啲戰略目標,小弟對自己嘅推薦名單大洗牌。

棄保-1

我嘅戰略目標好簡單
1. 唔俾中共控制候選人控制議會得咁容易
2. 要熱普城滅黨,任何人可以令熱普城消失,又唔係土共,我都改變戰略安排。

當然退選啲泛民,唔好講到佢地咁偉大,佢地有戰略思維係有進步,但佢地應該一早知道自己勝算極低,浪費彈藥做乜。好似脫逃蘭、冚家富呢啲人,仲霸住個屎坑唔肯走,等攬炒,呢啲友至應該大局為重。

當然,我估呢個唔係典型泛民安排,我想知邊個高人促使行呢一小步。

超級區議會

喺陳婉琛同何啟明都退出後,依家要KO周浩鼎,投俾鄺俊宇無懸念。佢俾劉慧卿強吻係值嘅。

香港島

脫逃蘭係無機會,我建議投俾許智峰,一個做實事嘅人,好過一個會脫逃嘅人。作為觀龍之戰嘅軍師,呢條友背棄觀龍樓居民,佢輸十次都唔夠。許智峰喺中西區表現好好,而且多次同黑警對抗,講勇武一定好過晒熱普城。

九龍西

維持原判。

九龍東

由於柯創盛死得太快,我怕益咗熱普城嘅黃洋達,我個人好支持陳澤滔,支持陳澤滔嘅可以繼續,但工黨嘅選民,同埋譚香文啲支持者,應該考慮支持快必,如果快必可以令熱普城上唔到位,我絕對支持。一票不投熱普城,係我嘅原則。

新界東

鄭家富應該大局為重退選,佢出嚟選簡直係黐線。佢啲飛可以夠同時保住范國威同陳志全,乜佢好想陳雲上位呀。

新界西

堅係支持本土,應該支持青年新政,唔係鄭松泰呢個北京大學博士。另外,黃潤達同黃浩銘應該考慮停止選舉工程,保住李卓人。

如果熱普城係咁推銷永續《基本法》之類欺騙性方案,大家可以share小弟以下文章,質問佢地有乜勁過80年代啲民主回歸派
熱普城同班 民主回歸 撚一撚樣

月捐計劃





--頭盔--
香港島(15名單爭6席),各名單排首位者按序為:
1.黃梓謙、2.劉嘉鴻、3.葉劉淑儀、4.何秀蘭、5.張國鈞、6.詹培忠、7.鄭錦滿、8.羅冠聰、9.沈志超、10.王維基、11.徐子見、12.司馬文、13.許智峯、14.陳淑莊、15.郭偉強。
九龍西(15名單爭6席),各名單排首位者按序為:
1.吳文遠、2.何志光、3.毛孟靜、4.梁美芬、5.譚國僑、6.朱韶洪、7.黃毓民、8.黃碧雲、9.林依麗、10.蔣麗芸、11.關新偉、12.劉小麗、13.游蕙禎、14.李泳漢、15.狄志遠。
九龍東(12名單爭5席),各名單排首位者按序為:
1.黃國健、2.胡穗珊、3.高達斌、4.譚香文、5.謝偉俊、6.柯創盛、7.呂永基、8.胡志偉、9.譚文豪、10.黃洋達、11.陳澤滔、12.譚得志。
新界西(20名單爭9席),各名單排首位者按序為:
1.黃潤達、2.尹兆堅、3.高志輝、4.周永勤、5.鄭松泰、6.鄺官穩、7.田北辰、8.何君堯、9.梁志祥、10.郭家麒、11.黃浩銘、12.李卓人、13.黃俊傑、14.麥美娟、15.馮檢基、16.陳恒鑌、17.張慧晶、18.呂智恆、19.湯詠芝、20.朱凱廸。
新界東(22名單爭9席),各名單排首位者按序為:
1.方國珊、2.林卓廷、3.廖添誠、4.陳云根、5.梁國雄、6.張超雄、7.楊岳橋、8.麥嘉晋、9.鄭家富、10.葛珮帆、11.侯志強、12.李梓敬、13.鄧家彪、14.范國威、15.陳玉娥、16.黃琛喻、17.李偲嫣、18.陳志全、19.梁頌恆、20.梁金成、21.容海恩、22.陳克勤。
區議會(第二)(9名單爭5席),各名單排首位者按序為:
801.涂謹申、802.李慧琼、803.鄺俊宇、804.何啟明、805.陳琬琛、806.王國興、807.關永業、808.梁耀忠、809.周浩鼎。

--頭盔--



捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *