國會議員薪酬 同議員助理嘅待遇

近排有位候選人話如果當選,會捐咗佢半份人工,結果引起一班邪教信眾,同埋一班泛民議員助理嘩然。邪教信眾為攻擊而攻擊,而泛民議員助理我明嘅,因為佢地嘅待遇好低,或睇見老闆貼咗自己份糧出糧俾自己好心酸。

其實捐人工嘅議員,果位候選人唔係第一個,如果咁鬧,就鬧埋梁國雄,梁國雄大部分人工係用嚟資助抗爭,呢個係點解我同佢國家認同信仰唔同,但我仍然極尊重梁國雄。(當然另一個原因係佢係香港憲法史上唔係大狀,但打得最多cornerstone case嘅奇人,佢戰績同一個資深大狀無異,如果有人修改《法律執業者條例》,俾榮譽資深大律師銜頭佢,佢受之無愧)。

其實唔只左翼會捐佢份糧,法國最偉大嘅總統戴高樂將軍,一直係右派(雖然法蘭西嘅右派都好左吓),戴高樂將軍生前係唔領總統同將軍退休金,攞晒去捐俾為自由法國戰鬥嘅將士嘅生活,佢自己攞上校嘅退休金,上校退休金係好低,佢離開人世果陣剩番好少儲蓄。

但如果了解英國有 國會議員薪酬 嘅歷史,其實唔係鬧果位議員或長毛,而係呢個仆街政府。

國會議員薪酬-1

作為一個英國人,我一直最尊敬嘅首相係邱吉爾,佢係一個真心效忠英國到底嘅偉人。雖然邱吉爾有貴族背景,但邱吉爾成世人做國會議員,最大嘅困擾之一係籌款,佢同美國之間嘅深厚友誼,係經常去美國籌款籌返嚟。當然,邱吉爾要經常喺報紙寫稿維生,更加唔駛講。點解搞到咁,因為1911年前,英國國會議員係義工嚟(係,無糧出),1911年-1946年期間係有象徵式一年幾百鎊薪水,但遠遠唔夠駛,去到1946年工黨執政,至正式有人工。

國會議員薪酬 係零係可以理解,因為英國國會嘅本質,到依家都係武士開會,只不過以往大家帶晒護甲同劍,隨時一言不合拔劍開片(議員開國王片都得,克倫威爾乜水嚟㗎),依家就著晒西裝嘴炮互飛。咁喺西歐嘅封建年代,武士為國王效忠,係喺自己封地度籌掂佢。如果你堅有市民支持,係咪應該有市民捐款支持?

當然,香港政府係仆街,俾唔足議辦營運津貼,大家睇英國國會點睇俾反對派嘅津貼

Payments to Opposition parties

Some money is paid to those political parties represented in Parliament who are not in government. This is to help ensure that the Opposition and minority parties have enough funds to carry out their parliamentary role and to put across their views.

The amount given to each party depends on how many people voted for them at the last general election and how many of their candidates were elected. In the House of Commons this is known as ‘Short Money’; in the House of Lords it is known as ‘Cranborne money’.

英國國會嘅文件

小弟作為一個力爭香港獨立嘅人,一直認為 國會議員薪酬 應該係 have enough funds to carry out their parliamentary role and to put across their views。議助捱餓,係政府仆街,呢段日子,市民都應該捐俾議員,指明係用喺議辦營運,協助議員對抗呢個政府,提升政策研究水平。呢個亦避免因議員捱餓,最後搞出金權政治,唔係個個都係邱吉爾、戴高樂咁高尚。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *