2047年 係唔係問題? 睇中英聯合聲明

熱普城作到唔永續基本法,香港嘅土地業權不保,小弟昨天已經由土地業權角度篤爆呢班騙徒。我仲要補充一樣嘢,雖然大家好憎梁振英,梁振英唔認自己係識睇僭建嘅產業測量師,但當年《中英聯合聲明》附件三土地產權部分,中方專家之一就係喺英資仲量行(今日嘅仲量聯行)打工嘅梁振英。當年共產黨係唔知土地產權可以點搞,你話梁振英當年會唔會整份有損中英兩國利益嘅文件。呢啲嘢駛鬼陳茂波,梁振英自己仲專業。

好喇,《基本法》究竟有無限期,《基本法》係《中英聯合聲明》附件一規定嘅產品,唔係附件三。附件三係完全無時限,換言之,香港嘅土地產權係永久都要受制於中英兩國嘅國際協議,直至契丹滅亡為止(亦即BNO計時炸彈條款,BNA 1981 Section 4B觸發當日),但《基本法》附件一,係另一樣嘢。

而終審法院前首席法官李國能大法官,喺去年9月25日嘅文章理解至為準確

2047年-3

基本法內並沒有列載基本法將於2047年6月30日後自動失效這種日落條款,但它規定原有的資本主義制度和生活方式保持50年不變,這規定乃落實1984年的《中英聯合聲明》中所列載中國對香港的基本方針政策將維持50年不變的承諾。
我們已超越50年期的三分之一,2047年後的安排將屬於中國的內政,我相信這安排在2030年代初必須獲得解決,有關的安排亦需要有廣泛的諮詢和討論,未來的10至15年將會是影響這些討論的關鍵時刻

1. 如果《基本法》無人郁佢,係唔會失效,換言之,無永續《基本法》嘅必要。
2. 但《基本法》會喺2047年,不受《中英聯合聲明》附件一嘅法律保障。

當然,本來《基本法》呢啲契丹、英國、美國法律嘅大雜燴,學界一早認為係不倫不類嘅法律怪物,所以永續本來喺學界認為係黐孖筋之舉。 2047年 問題係點保障 2047年 後維持附件一維持嘅嘢。但我們要問,附件一要嘅唔少仆街條款,係唔係大家想要,例如「中國香港」呢個名,呢個我絕對唔想要,但熱普城可以迫中國改咗佢咩,某大師喺習近平身上作法喇笨。

爭取中國民主,永續基本法,一樣係天方夜譚嚟,所以喺英國、美國列強保證下嘅香港獨立,或香港成為英聯邦下嘅自治領(加拿大、澳洲果種),至係唯一王道。年青人仲信熱普城班衰過太平天國嘅神棍,真係只能用熱普城裡面其中一位神棍嘅金句:歷史在笑。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *