2047年 係唔係問題? 土地篇

2047年 香港係點,係唔少候選人,特別假扮支持港獨,實際支持契丹以《基本法》殖民香港千秋萬世班契弟成日講。究竟 2047 問題,係唔係問題?

對香港人嚟講,佢地最重視係層樓,講真, 2047年 問題,唔係果班熱普城契弟亂吹咁大。

2047-1

2047年 土地問題點處理,其實係《中英聯合聲明》(《英中聯合聲明》)附件三特別規定,因為呢個涉及好多人嘅土地產權,同衍生自《中英聯合聲明》附件一嘅《基本法》無關係。

一、《聯合聲明》生效前批出或決定的超越1997年6月30日年期的所有土地契約和與土地契約有關的一切權利,以及該聲明生效後根據本附件第二款或第三款批出的超越1997年6月30日年期的所有土地契約和與土地契約 有關的一切權利,按照香港特別行政區的法律繼續予以承認和保護。

首先,呢條係授權當時嘅香港政府,可以批出超越1997年6月30日嘅土地契約,而中國政府會認數,就係咁簡單。

二、除了短期租約和特殊用途的契約外,已由香港英國政府批出的1997年6月30日以前滿期而沒有續期權利的士地契約,如承租人願意,均可續期到不超過2047年6月30日,不補地價。從續期之日起,每年繳納相當於當日該土地應課差餉租值3%的租金,此後,隨應課差餉租值的改變而調整租金。至於舊批約地段、鄉村屋地、丁屋地和類似的農村土地,如該土地在1984年6月30日的承租人,或在該日以後批出的丁屋地的承租人,其父系為1898年在香港的原有鄉村居民,只要該土地的承租人仍為該人或其合法父系繼承人,租金將維持不變。1997年6月30日以後滿期而沒有續期權利的土地契約,將按照香港特別行政區有關的土地法律及政策處理。

好多盲毛嘅誤會呢自呢條,其實呢條嘅意思好簡單,1997年6月30日前約滿,而無得renew嘅地契(有啲有得renew,過 2047 都得),可以唔駛加錢,續到 2047 年。有續期權嘅土地,基本上唔理 2047年(港島咪成棚呢啲地),新界原居民地,都係唔理 2047年 。而1997年6月30日後約滿,又無得renew啲地點處理,香港政府自理,就係咁簡單。

所以我唔明點解忽然嚟乜嘢國土局,又要加地價,跟住乘機要人支持乜叉永續《基本法》,呢啲係唔係法盲講嘅嘢嚟。搵個對地契權有啲知識嘅金融佬,都唔會亂吹一通。

我對熱普城呢班友極度厭惡,因為呢班友基本上都係生草藥,胡說八道。《基本法》本身有無有效期,呢個有斟酌之處,但由於《中英聯合聲明》係一份無有效限期嘅國際條約,基本上,附件三已經解決咗香港土地權問題,駛鬼永續《基本法》,叫班友早抖。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *